Gurraan-dhala 09,2012

Gurraandhala 7, 2012 galgala sa’aatii 6:30 PM tti Godina Shawaa Lixaa Aanaa Ada’aa Bargaa, Magaala Reenjii jedhamtutti Abbaa qabeenyaa Warshaa Simintoo Dangattee jedhamuu kan ta’e nama lammii Chaayinaa tokkorratti tarkaanfiin fudhatamee lubbuun darbeera.

Humni hunbeekamiin tarkaanfii kan inni fudhate  nama lammii Chaina kun abbaa qabeenyummaa warshaa kanaa keessatti kan aksiyoona guddaa qabu yoo ta’u, yeroo adda addaatti tuffii fi jibba ummata naannoo warshaatiif qaburraa kan ka’e miidhaa faalama naannoo irratti geessisuuf caalattuu yeroodhaa gara yerootti akka hammaatu taasisaa ture jedhama.

Haaluma kanaan har’a lammii Chaayinaa irratti tarkaanfii kan fudhattan isini jechuun milishoonni Wayyaanee mana hidhaatti guuramaa jiru.Mootummaan
Wayyaanee milishoota Oromoo ta’an yookin saaxilaa yookiin ammoo ABO waliin hidhataan kan hojjetu isini jechuun rakkisaa jiraachuun beekame.

Milishaa Mootummaa kanaa Obbo Birbirsoo Dhaabaa kan jedhamu sababa kanaan mana hidhaa mootummaa Wayyaaneetti darbatamee dhiibbaan garaa garaa irraan
ga’uu irratti argama.Uummatni naannoo kanaas sodaachisa Wayyaaneen
hiraaraa jira.

Karaa biraa Gurraan-dhala 08,2012 Godina Iluu abbaa Booraa keessatti oomishni shonkoraa waarshaa heektara 15,000 humna hin beekamneen gubatee jiraachuu gabaasi naannoo san irraa nu dhaqabe addeessa. Dabalata gabaasaa kanaa gana fuula duraatti dhiheessina.

Qabsoon itti fufa! Gabrummaan ni kufa!

Gurraandhala 09,2012

Godina Wallaagaa Bahaatti Bulchitotaa Onotaa akka Haroo Limmuu,Limmuu Galiilaa, Kiiramuu,Giddaa Ayyaanaa,Heebantuu,Diggaa Saasiggaa, JaarDagaa Jaartee, fi Hammuruutti bulchiitoota luukkeelee Wayyaanee kanneen OPDO tahan aangooo bulchiinsaa Onaa irraa turan irraa sababaa Isiin Uummaataa nuf qabuu hin dandeenyee, diinaaf odeeffaannoo kennituu jechuun OPDO taa kana aangoo irraa arii’achuu fi kanneen amanamoo tahan biroon bakka buusuuf jecha  Wayyaaneen qophii barbaachiisu gochaa kan jirtuu xummurtee jiraachuun beekame. Gamaagamaa fi walgahii qondaaloti Tigiree bulchiisa Oromiyaa keessaa magaalaa Naqamteetti Gurraadhana 2012 godhan keessatti Qondaalota OPDO heddumminaan arihachuuf akka jiran murtee dabarsuun beekamee jira.

Qabsoon itti fufa! Gabrummaan ni kufa!

Alam Aduunyaa Irraa

Mata duree kana filachuun kiyya,yoo dafnee dammaqnee adeemsa Wayyaanee fi isa kaanii of irraa ni ittisin, balaa yoomillee of irraa faccisuu hin dandeenyef akka saaxilamnu hubachiisuufidha. Dhugaadha, Gogaa laafaatti maruu yoo baatan, hangam akka nama rakkisu eenyufu ifadha. GOGAA LAAFAATTI MARU

Gabaasa Qeerroo Adaamaa, Gurraandhala 08,2012

Hojjettootni Mootummaa Wayyaanee walgahiin kurkurfamaa jiru.Warraaqsa biyyattii keessatti jalqabe hundeen buqqisuuf mootummaan Wayyaanee fala dha’aa jiru keessaa tokko maqaa Shakkamaan eenyu? jedhuun uummatni akka wal saaxilu gochuu dha jechuun murteeffachuunii fi akka imaamata tikaatti Oromiyaa guutuu keessatti irratti hojjechuuf karoorfachuun saaxilame.

Guyyaa Guraandha 6,2012 amanamtootni mootummaa murtee kana gara naannooleetti raabsuuf murtee irra ga’uu iccitiin isaan keessaa ba’e saaxilee jira.Mootummaan Wayyaanee bittaa umrii isaa dheereffachuuf tooftaan inni fayyadamu keessaa tokko uummata wal nyaachisuu waan ta’eef ilmaan Oromoo tooftaa diinaa kana baratanii Shakkamaan Garboomfataa dha jechuun akka jala dhaabbattan dhaamsa fardii ummata Oromiyaa guutuuf dabarsuun dirqii dha.

Ammaan dura maqa shororkeessituu jechuun ummata keenya afaan faajjessaa fi goolaa ture,ammos tooftaan siyaasaa sun harkaa dhumnaan jecha shakkamaan eenyu jedhu mata duree godhatee Oromoota wal shakkisiisuuf yaalii inni godhaa jiru mootummaa kana kufaatii irraa akka isa hin hambiftne beekamaa dha. Ummanni Oromoo yoomuu caalaa dammaqaa fi kan tokkummaa isaa jabeessu hunda irratti walii galuu fi waliin hojjechuutti qophii dha,nagaa fi tokkummaa Oromootaa booressuuf Wayyaaneen keessaa fi alatti tattaaffii gootu iyyuu akka hin milkoonfeef qabsaawoti hundi dura ni dhaabbatu.

Qabsoon itti fufa! Gabrummaan ni kufa

Qeerroo Gindabarat Gurraandhala 08,2012

Labsiin Amajjii 22 irraa kaasee eegaale hamma har’aatti bakkoota garagaraatti itti fufuunsaa gabaasaan nu gahaa jira.

Yerooma labsiin labsame sana ,waraqaaleen qabsoo garagaraa naannoo Amboo fi naannoo Gindabaratitti faffaca’uudhaan hamma manneetii barnootaa sadarkaa 1ffaa fi sadarkaa 2ffaatti garmalee babal’atee faffacaa’aa jira.

Akka gabaasaa qeerroo irraa nu gaheetti bakka uummatni itti bobba’u; buufata uummataatti waraqaa waamichaa labsame kanaan duraa sana Alaabaa ABO waliin walitti maxxansuun itti fufee jira.  Guyyaa eengaddaa waraqaalee mannen barnootaa fi bakkoota adda addatti maxxanfamanii fi raabfaman irratti barattoota qabdee hidhuu fi rasaasa itti dhukaasuun ni yaadatama. Gochaa fi doorsisa Wayyaanotaa kanaan dhaabbachuu didee labsiin amma illee baldhinaan faca’uun itti fufee jira.

Manneen barnootaa a sadarkaa 2ffaa Culluxxee bakka jedhamutti fi akkasumas mana barumsaa sadarkaa 1ffaa bakka Kaachis jedhamu keessatti FDG ka’een wal qabatee mana barnootaa san cufuun barattoota maatiittiakka galan akeekachiiftu iyyuu guyyaa har’aa naannoo manneen barnootaa fi bakkoota adda addaatti  waraqaalee labsii alaabaa ABO n wal qabate kana maxxansuudhaan gootonni qeerroon bilisumma waan baay’ee nama boonsu hojjetanii jiru.

Har’a  Gurraandhala 07,2012 guyyaa waraqaalee baayinaan maxxanfame kana uummatni kaan isaa tarii ABO tu dhufee jedhee gammachuu isaa ibsataa gariin ammoo barii bilisummaa waammachaa jiru gammachuudhaan waraqaalee maxxanfame kana irra itti wal qabaa olee jira. Gabaasi suuraa fi video kanaa suuraa ummataa ifatti waan qabateef maxxansuu irraa of qusannee jirra. Waraqaalee raabsamee ykn faca’eetti aanee caalaatti Alaabaa ABO  sana irratti uummatni heddummaachuudhaan irrati wal qabuun  ifitti qabee yeroo dhungachuun jaalala qabu muldhisaa tureera jedha qeerroon naannicha irra.

Ergamtootni Wayyaanee,poolisootni fi waraanni isaa uummata kana ari’uudhaan waraqaa sana bakka maxxanfametti ciraa oolaniiru jedha gabaasaa qeerroo irraa.

Wayyaaneen  dhimma kana sababeeffachuudhaan har’a irraa kaasee wal gayii waan itti fufuuf manni barumsaa hin jiru gidduu kana jechuudhaan labsii sodaa qabduun dabarfachaa jirti.Magaalaa sana keessatti sodaa tarii WBO tu gale jechuudhaan mootummaan Wayyaanee guyyaa har’aa guutuu waraanaa isaa konkolaataadhaan guuree magaalitti qubsiisuun isaas gabaasi qeerroo addeessa.

Qabsoon itti fufa! Gabrummaan ni kufa

Gurraandhala 7,2012 Gindabarat

Diddaa miga eenyummaa siaaniif jecha barattooti Oromoo deemsisaa jiran dhaabuuf dabballootni Wayyaanee bobba’an barattootatti rasaasa dhukaasan.Diddaa Barattootaa Godina shawaa lixaa aanaa Gindabarat Mana Barumsaa sadarkaa Lammaffaa Culluxxeetti dabballootni Wayyaannee Nagaroo Baacaa fi Taarikuu  jedhaman ergama isaanii ba’uuf jedha barattoota Oromoo irratti  rasaasa dhukaasanis har’a diddaan jabaatee itti fufee manni barumsaa cufamee jira.

Ergamaan Wayyaanee Barsiisaa Taadduu Gaja’aa jedhamu barattoota fincila diddaa gabrummaa qindeessaniiru jechuun maqaa kennuun qabsiisaa jiraachuun isaas saaxilameera.Hanga ammaatti barattootni Oromoo  jaha guyyaa hardhaa Guraandhala 07,2012 mana hidhaa Wayyaaneetti kan darbatan yoommuu ta’u isaan keessaa
1.Barataa Asmaraa Balaay
2.Barataa Tolasaa Addaamuu
3.Barataa Guutuu Soorii
keessatti argamu

Barsiisaa Taadduu Gaja’aa gocha ilmaan Oromoo irratti gochaa jiru kana irraa hin dhaabbatu taanaan barattooti Oromoo guutuun barnoota inni kennu fuula duratti akka irratti hin hirmaannee fi bakka argametti gumaan dargaggoota Oromoo akka bahutti waamicha waliif dabarsaa ooluun gabaasi qeerroo nu gahe addeessa.

Qabsoon itti fufa! Gabrummaan ni kufa!

Gabasaa Qeerroo Gurraan dhala 7,2012
Goototni barattoota mana baruumsaa Aanaa Gindabarat mana baruumsaa Sad. 2ffaa Culluxxee fi mana baruumsa sad. 1ffaa kaachis waraqaa waamichaa Warraaqsa labsamee halkan har’aa (Gurraandhala 6, 2012)
mooraa manneen baruumsaa lameen kanneeni fi magaalota lameen kanneen keessatti addabaabaayii ummataa hundatti alaabaa ABO waliin maxxansudhaan seenaa hojjatan. Waraqaan labsii kun ganama hanga sa’aatii 10:00 AM tti akkuma maxxanfameen turee sa’aa kana booda garuu bulchitoonni fi polisonni magaalee kanneenii ummata itti tuutta’ee dubbisaa ture irraa ari’udhaan ciranii guuraa turun gabaafame.

Karaa biraa har’a ganama poolisoonni magaalaa barattoota gara mana barnootaa deemaa turan “har’aa fi bor walga’ii ariifachiisan waan jiruuf” jechuun barattoota gara mana isaaniitti akka deebisanii fi  manneen baruumsaa lameenis cufani jiru. Kanumaan walqabatee guyyuma kana  gara sa’aatii 11:00AM tti waraanni fi poolisiin Federaalaa konkolaataa 10 ol ta’u magaalota kanneen qubachuu gabaafameera.

Qabsoon itti fufa! Gabrummaan ni kufa!

Gabaasa Qeerroo Anaana Gincii Gur-dhala 5,201

Godina Shawaa lixaa Aaanaa Gincii keessatti kan argamu Bosonni Cillimoo baay’ee ciramuu irratti argama.Mootummaan Wayyaanee qabeenya uumamaa Oromiyaa gurguruu fi faaluun kan beekamu buufata 13 bosona Cillimoo keessatti qubachiisuun baay’ee ciruu fi mancaasuu irratti xiyyeeffatee hojjetaa jira.Hongeen biyyattii keessatti akka babal’atu gochuun ilmaan Oromoo harka kadhaatti hambisuuf kan murteeffate bosona Oromiyaa waggootaa dheeraaf jiraatan naatoo tokkoon malee ciruu fi gubuutti argamu.

Sababni Bosonni kun ittiin ciramu keessaa tokko Dahoo Waraana Bilisummaa Oromooti juechuun ummata naannoo san jiru afaan fajjeessaa fi goyyomsaa akka jiran beekama .Ilmaan Oromoo qabeenya uumamaa isaa irratti falma akka jabeessuu fi Qotee bultoonni naannoo kanaa irra deddeebbiin gaafatanis doorsisamuu isaanii dhaga’amee jira.