Kan Taa’u Hin Gufatu.
Qabsoo Bilisummaaf waadaa seente eegdee,
Jireenya dhuunfaa kee kan sanaaf wareegde.

Yaa qabsaawaa haqaa kan sabaaf dhaabattuu,
Hamilee kee hin tuqin gochi ayyaan-laallattuu.

Hanga ergama kee kabajaan raaw’attuu,
Obsaan tarkaafadhu gufuunis baay’attu.

Guggufachuun kan kee sossoha keeti ibsaa,
Yoo irraa waa baratte duranaaf si cimsaa.

Kan warraaqu malee Kan Taa’u Hin Gufatuu,
Sammuu yaadu malee dhagaan hin hubatu.

Gurra irraa cufadhu warra taa’ee fagu,
Yeroo kee qisaasuu, hojii kee si daguu.

Isaan qabsoo dheeffa bakka oduu reebanii,
Ati hojiidhaan qolchi isaan haa xeebanii.

Malkaa Caffee
Sadaasa 2012
Malkaacaffee@gmail.com

Sadaasa 03,2012 Amboo

Araada ilmaan Oromoo mana hidhaatti guuruu kan qabu Mootummaan abbaa irree Wayyaaneen Godina Shawaa lixaa magaala Amboo keessaa barsiisaa Koollejjii ogummaa fi Teeknikaa kan ta’e Barsiisaa Dhaabaa Ejjetaa mana hidhaatti ukkaamse.Barsiisaa Dhaabaa Ejjetaa barsiisaa dandeettii barnootaan jabaa tahee fi barattootaan jaallatamu tahuun Wayyaanee biratti hojii siyaasaa hojjetta jedhamuun yakkamee mana hidhaatti akka darbamu taasisee jira.Mootummaan abbaa irree Wayyaanee barattootaa fi barsiisota ilmaan Oromoo tahan addatti gara mana hidhaatti funaanuu kan amaleeffate ammas itti jira.Gaaffiin mirgaa biyyattii keessatti finiinee Wayyaanee cinqaa jiru hanga deebii argatu jabaatee akka itti fufus Qeerroon magaala Amboo dhaamee jira.Gaaffii mirgaa kan bilisummaa gaafachuu irraa shirri mootummaa wayyaanee qeerroo dhaabuu hin danda’u.Ilmaan Oromoo Golee Oromiyaa mara keessaa gaaffii bilisummaa kaasuu akka qabnus Qeerroon dhaammata.

Sadaasa 03,2012 Finfinnee

Godina Shawaa lixaa magaala Amboo keessatti mootummaan wayyaanee guyyaa alaabaa hin kabajne jechuun ilmaan Oromoo mana hidhaatti ukkaasaa jira.Lammiileen Oromoo 1. Obbo Tamasgeen Tarrafaa 2. Geetuu Oljirraa Jedhamana tika mootummaa Wayyaaneen yakkamanii qabamuun gara mana hidhaa Wayyaanee magaala Ambootti erga fudhatamanii booda Onkoloolessa 01/2012 halkan saa 7:00tti mana hidhaa sanaa fudhatamuun bakka buuteen isaanii dhabamee jira. Mootummaan Wayyaanee diddaa uummataa jala dhaabbachuu kana dadhabe Godina Iluu Abbaa Booraa aanaa Cooraa keessaa lamiileen Oromoo 1. Sheik Ahmed Mahaadii 2. Ibraahim Ismaael 3. Taaddasaa Gaaromaa 4. Ziyaad Umar Jedhaman namoota maqaa isaanii hin arganne 15 waliin uummata Oromoo keessa deddeemuun uummata waaee siyaasaa barsiisaa jirtu,Qeerroo ijaaraa jirtu jechuun mana hidhaatti ukkaamsanii jiran.Mootummaan Wayyaanee gaaffii mirgaa uummata irraa dhiyaatu dura dhaabbachuu dadhabuun ilmaan oromoo mana hidhaatti ukkaamsaa jira.Qeerroon akeeka gootawwan keenyaa hanga galmaan geenyu shirri Wayyaanee haamilee nu hin kutu jechuun diddaa jabeessaa jira.

Kana maleen Godina Wallaga aanaa Qeellam Anfilloo fi Horroo Guduruu Shaambuu,Gimbii magaalaa fi Innaangoo bakka jedhamuu Oromoonni hedduun guyyaa alaabaa kabajjuu diddan,irreessa Bishooftuu 2012 deemtanii dirqama ABO fudhattanii naannootti deebitanii jirtu jechuun akka hidhaa galan gabaasi naannicha irraa har’a nu gahe addeessa.Maqaa namoota kanaa akka qeerroo gaheen gabaasa.

Seife Nebelbal Radio Program, Interviews ONLF and OLF Reps

Raadiyoo Simbirtuu

TVOMT: News, War on Religions or War on Oromos?

Onkoloolessa 02,2012 Finfinnee

Ayyaana Irreessaa Bishooftuu baatii  Fulbaana 30,2012 keessa ta’e irratti mootummaan Wayyaanee sochii Qeerroo bilisummaa Oromoo ukkaamsuuf jecha yaaliin inni hin godhiin hin jiru,Dargaggoota Oromoo 150 ol yeroo hidhu,poolisoota Federaalaa fi naannoo Oromiyaa keessaas namoota hedduu sochii kana duubaan jirtu jechuun akka hidhee ture beekama. Suuraalee fi Video gariin gartuu median Qeerroo kaasan mootummaan irraa saamame,sabboontotiin hedduun godhchaa Wayyaanee kanatti yeroo mufatan sochii Qeerroon taasise iggitii itti gochuu hin dandeenye.

Haaluma kanaan guyyuma kana Qeerroon qindoomina jabaa godheen qophii sabboontotiin Oromoo Hoteela Obbo Warquu Biqilaatti qopheessan irratti argamuun gahee Oromummaa fi waraaqxummaa bahee jira. Addatti ammoo Warraaqtoti Artistooti Oromoo kanneen akka Dirribee Gadaa,Adinaan Mohammad,Hacaaluu Hundasaa fi kan dhihoo hidhaa diinaa keessaa bahe sabbootichi Kadir Martuu baadii Saglan Booranaan qindaawanii dirqama Oromummaa irra jiru bahanii jiru. Walleelee warraaqsaan miseensota Qeerroo fi ummata Oromoo gammachiisuun dhaamsa tokkummaa dabarsanii jiru.

Guyyaa kana diinni ni qaanawe,sabboontoti hangamuu hidhaman,roorroon irra gahe iyyuu haamleen osoo hin cabiin diddaa fi jibba mootummaa Wayyaaneef qaban muldhisanii jiru.

Qeerroon guutuu video fi suuraalee gara fuula duraatti bifa DVDn Oromiyaa fi biyyoota alaatti akka tamsa’uuf irratti hojjechaa jira.

Qabsoon itti fufa! Gabrummaan ni kufa!!

Onkoloolessa 31,2012 Finfinnee

Sabboontoti Oromoo Godina Arsii magaala Asallaa keessa jiraatan guyyaa alaabaa mootummaa Wayyaanee fashalsan.Sirni TPLF Wayyaanee guyyaa alaabaa kan jedhu irratti akeeka hoggana Wayyaanee duraanii Mallasaa Zeenaawwii fiixaan baasuuf kabajna jechuun wayita ololutti alaabaan Ethiopia fi mootummaa Wayyaanee ilmaan Oromoo hin ilaallatu,Oromoon alaabaa mataa isaa isa ibsu qaba jechuun fashalsanii jiran.Kaabinootaa fi milishootni magaala kanaa alaabaa baatanii bahuuf dirqamanis uummatni alaabaa bakka daldalaatti,hoteelotatti fannisaa jedhame didee jira.Mootummaan Wayyaanees gocha uummata kanaan hedduu kan rifate sabboontota ilmaan Oromoo mana hidhaatti ukkaamsee isin ABO waliin hidhata qabdu jechuunrakkisaa jiraachuun gabaafame.Sabboontoti Oromoo hanga ammaatti hidhaman keessaa
1. Obbo Isheetuu Hurrisaa daldalaa
2. Balaay Mootummaa hojii dhabaa(TVET kan xumure
3. Umar Abduulqaadir barataa kutaa 12ffaa
Mana hidhaa Wayyaaneetti kan ukkaamsaman yoommuu tahu uummatni hidhaa fi ajjeechaan haamilee nu kaasa malee haamilee keenya hin cabsu jechaa jira.

Haaluma wal fakkaatuun guyyaan alaabaa biyyattii Oromiyaa keessatti fudhatama dhabuun haala qorraa fi nuffisiisaan mootummaa wayyaanee haamilee kutee jira.Godina Shawaa lixaa magaala Geedoo keessattis mootummaan Wayyaanee poolisii Tamasgeen Dhufeeraa jedhamu guyyaaalaabaatti alaabaa baattee deemuu didde,Ati miseensa ABOti jechuun mana hidhaatti ukkaamsee jira.Godina Iluu abbaa booraa,Jimmaa,harargee fi Wallaggaa keessatti wayita mootummaan wayyaanee alaabaa kabajna jechuun uummatni Oromoo alaabaan kun nu hin ibsu jechuun ayyaana kana fashalsee hojii mataa isaa hojjechaa oolee jira.