HRLHA November 14, 2012

The Human Rights League of the Horn of Africa (HRLHA) strictly denounces that UN General Assembly elected Ethiopia on November 12, 2012 to serve in the UN human Rights Council for the next three years starting from January 1, 2013.

In the last two decades the Ethiopian Government led by EPRDF/TPLF has been repeatedly condemned by regional and international human rights organizations including US State Department and UN independent experts[1]and UN Special Rapporteurs for its heinous human rights crimes against its citizens.

Ethiopia-2.doc

Sadaasa 16,2012 Madda Walaabuu

Barattootni Oromoo manneen barnootaa gad aanaatii kaasee hanga dhaabbiilee barnootaa olaanaa keessatti argaman baraa darbu gaaffii mirgaa gaafachuun manneen barnoota isaanii irraa ariiamu,Hidhamu,ajjeefamu.Manneen barnootaa keessattis sababa Oromummaa qofaan yakkamuun dhaabbiilee barnootaa keessaa baafamu.Hanga mootummaan abbaa irree wayyaanee aangoo irra jirutti shirri kun ilmaan Oromoo irraa hin dhaabbatu.

Yuunivarsiitii Madda walaabuu Damee Gobbaa keessatti ilmaan Oromoo moommee health officer waggaa sadaffaa baratan jijjiirama curriculum dhufe ibsa gahaa akka argataniif karaa nagaa gaafatan isin jibbinsa mootummaa qabdu,siyaasa  ABOtu isin duubaan jira jechuun barnoota irraa ariiee jira.Itti gaafatamaan Koollejjii fayyaa Ahmed Sayid jedhamu mootummaa wayyaanee waliin harka wal keessa naquun ilmaan Oromoo addatti foyuun kanneen naannoolee garaa garaa irraa illee dhufan Oromoo tahuu isaanii erga qoratanii booda barnoota irraa ariianii jiran.Ilmaan Oromoo barnoota isaanii irraa ariiamanis

Jedhaman barnoota isaanii irraa ariiamuun mooraa yuunivarsiitii akka gad lakkisan taasifamus qeerroon gaaffii mirgaa gaafachuu hin dhaabnu jechuun gaaffiin muddaa jira.Mootummaan wayyaanees diddaa kana dura dhaabbachuuf waraana mooraa yuunivarsiitii guutuun sakattainsaa fi hojii basaastummaan ilmaan oromoo rakkisaa jira.Ilmaan oromoo yuunivarsiitii mara irraa waamicha keenya akka nuu dhageessan,Waan hara nurra gahe booru isiniin eeggata jechuun ilmaan oromoo maraaf waamicha dabarsa.

“Wayyoo yaa sangaa dhabuu gasoo gurguddaa nama baachisa,wayyoo ya haadhoo dhabuu alagaa oromaan nama dhaansisa.”

Sadaasa 15,2012 Finfinnee
Yuunivarsiitii Arbaaminc Guyyaan FDG waraqaalee dhaadannoo maxxansuunii fi raabsuun Alaabaa ABO fannisuun yaadatame.Sabboontotni barattoota yuunivarsiitii Arbaaminc Damee hundaa walitti dhufuun guyyaa kana haala addaan yaadatanii jira.Qophiin kun Wareegamtoota gootota ilmaan Oromoof yaadannoon callisaan erga taasifamee kan eegalame yoommuu tahu dungoon diimaa magariisa diimaa qabsiisuunii fi Alaabaa ABO fannisuun yaadatamee jira.Yaadannoo kana irrattis walaloo,baacoo,taphootaa fi barnoottan siyaasaa kennamanii jiran.Mootummaan wayyaanee wayita hundeen buqqa’aa jiruttii fi Miseensotni OPDO yuunivarsiitii Arbaaminc mootummaa wayyaaneef kana booda ulee hin taanu wayita jedhanitti guyyaan kun yaadatamuun mariin jabaanis taasifamee jira.Qeerroon guyyaa FDG irratti walitti dhufuun gootawwan FDG keessatti wareegaman irraa dhaamsa nu gahe galmaan geessisuuf waadaa seenuun ibsawwan ejjennoo armaan gadii baasanii jiran.

1. Gaaffii mirgaa,bilisummaa,hidhamtootni siyaasaa akka hiikaman yuunivarsiitiitti iyyannoon galchine deebii hanga argannu wareegama kamuu baafnee Qabsoo itti fufna
2. Ilmaan Oromoo mara ijaaruun,qindeessuun mirga isaaniif akka ka’an ni hojjenna
3. Haala kamuu keessatti irbuu keenya tikfachaa,diina nu keessaa seccinee bilisummaa keenya argachuuf halkanii fi guyyaa ni hojjenna
4. Dirqamoota dhaaba irraa kennaman haal duree tokko malee ni baana
5. Shira mootummaa wayyaaneef hin jilbeeffannu
6. Qaala’insa jireenyaa uummata biyyattii mudatee fi hojii dhabdummaa akkasumas malaammaltummaa saba bicuu irratti hundaa’e ni mormina
7. Saaminsa lafa Oromiyaa,faalama qabeenya uumamaa Oromiyaa ni mormina,Qabeenya keenya irratti abbaan mutii nu tahuu qaba
8. Barattoota yuunivarsiitii,Manneen barnootaa gad-aanaa fi Koollejjii waliin akkasumas sabawwan cunqurfamoo waliin mootummaa abbaa irree hundeen buqqisuuf ni hojjenna

Kanneen jedhan baafachuun Guyyaa FDG ilmaan oromoo FDG irratti wareegaman galmeen bara baraan yaadata! Irbuu keenyas tikfanna jechuun qophii isaanii eebbaan eegale eebbaan xumuranii jiran.Waraqaaleen Dhaadannoo

1. Sadaasni 9 guyyaa FDG tahee bara baraan yaadatama
2. Mootummaan wayyaanee abbaa irree dha.
3. Diina waloo waliin Lolla

jedhan Magaala Arbaaminc Koollejjiiwwanii fi Yuunivarsiitii Abaminc bakka Library tti maxxanfamanii jiran.Mootummaan wayyaanee fi basaastotni wayyaanee dhiphuu keessa seenanii jiran.

Kana malees kolleejji Kotobee fi bakkoota gara garaatti barruun warraaqsaa faca’uun ayyaanni kunis sirna ho’aan barattoota biratti kabajamee jira. 

Sadaasa 15,2012 Jimma

Sadaasaa 12,2012 Galgalaa keessaa saaa 1:30 irraa egalee Sochiin Qeerroo Mooraa University Jimmaa keessaattii Jabatee itti fufuun, sababaa Sochiin Qeerroo Bilisummaa Oromoo mooraa Universiticha dhunfatee jiruuf, Mootummaan Waayyaanee toftaawwaan ittiin human qeerroo dadhabsiisuu fi Qabsoo bilisummaa Oromoo lamsheessuu keessaa isaan buuurrii yeroo Oromoon Sochii FDG gaggeessuuf haala mijeeffaatu Mootummaan Waayyaanee, kan ittiin yaada Ummataa Hatuu kanneen akka ispoortii, Diramaa, Filmii agarsiisuu, tapha kubbaa miilaa akka qeerroowwaan ilaalanii yaadni isaanii busy akka tauu gochuunii fi konsertii garaagaraa qopheessuun Yaada ummataa hatuuf yaaliin godhamaa ture, kun immoo toftaa[political formula] ta’ee jedhee wayyaaneen fayyadamudha.

Guyyaa gaafa Sadaasaa 12/2012 akkumaa yeroo kaanii Wayyaaneen sochii baratootaa Oromoo fi haalaa FDGn itti deemaa jirruu waan sodaateef, xiqqoo yaadaa uummataa hatuuf Filmii haaraa Afaan Oromootiin kan Qophaa’ee fi kan mataa dureen isaa Bidiruu Jaalalaa,jedhuu kan baratootaa university Horoammayyaatiin Qaphaa’ee ,stedium xiqqaa mooraa University Jimmaa keessaa jiruu keessaattii, Filmii kana agarsiisuuf heeyyaamtee, Qeerroon gototaa baratootaa Oromoo Filmichaa kan qopheessee ilmaan Oromootii, Filmiin kunis Ergaa Guddaa Qaba, nutis utuu namni tokkoo hin hafiin jechuun stadium keessaattii wal waamuun , dhaamsaa Qeerroon tamsasee waraqaa waamichaa FDG fi gaaffii Ummataa Oromoo kan qabatee walittii daddabarsuun qeerroon dhaamsaa wal qaqqabsisaan, Sirbotaa, Qeerroo Farsaan kan akka sirba Artiistii Hailu Kitaabaa Qeerroo Waliin. Jechuun Sirbuun qeerroo bilisummaa Oromoo mooraa University Jimmaatiin Sirbamaa bule.Kana malees dhadannoon warraaqsaa fi faaruuleen ABO fi WBO faarsan guutummaatti mooricha keessatti dhagahaa bule.

Filmiin barattootaan qophaawe kunis mata dureen isaa Bidiruu jaalaala haa jedhuu malee ergaan inni dabarsu Gotummaa Oromoo fi Goototaa Oromoo kaleessaa ummataa isaaniif jechaa Lubbuun isaanii wareegamee kan faarsuudha.

Guyyaa FDG Sadaasa 9,Ilaalchisee Qeerroon Baruulee Warraaqsaa Universitii fi bakkoota hojii mootummaa ijoo ta’anitti facaasee jira. Haala kanatti kan rifate mootummaan Wayyaanee tikaa fi waraana isaa barattootatti bobbaasu iyyuu sochiin qeerroo itti fufe.

This slideshow requires JavaScript.

Sadaasa 13,2012 Finfinnee

Mootummaa wayyaanee sadaasa 9 dhufaatii irraa kaasee cinqii keessa buee jira.Akeeka gootawwan keenya FDG keessatti wareegaman galmaan geessisuuf Qeerroon waraqaalee dhaadannoo kumaatamaan maxxansuun wayyaanee rifaatii guddaa keessa buusee jira.Dhaadannoowwan garaa garaa kanneen akka

1. Garboomfataaf harka hin laannu!

2. Sadaasni 9 bara baraan Guyyaa FDG tahee yaadatama

3. Akeeka gootawwan keenyaa galmaan geenya

4. Mootummaan wayyaanee garboomfataa dha

5. ABO gaachana ilmaan oromooti

6. Lama duuun salphina

7. Oromoo yeroon gaaffii bilisummaa amma!

8. Qabsaaaan ni kufa Qabsoon Itti fufa

9. Qeerroon wareegama kamuu baasee Oromiyaa bilisa baasa

10. Tokkummaan ilmaan oromoo shira wayyaaneen hin diigamu

Kanneen jedhaan Magaala Finfinnee Kutaalee magaalaa garaa garaa keessatti hedduumminaan maxxanfamuun waraanni mootummaa wayyaanee beeksisa mara buqqisuuf dirqamee jira.Garboomfataan mootummaa wayyaanee hanga aangoo irraa buuttii fi hidhamtootni siyaasaa hiikamuun Bilisummaan biyyaa fi Uummata Oromoo hanga Mirkanaau qabsoo keenya itti fufna jechuun qeerroon waraqaalee dhaadannoo kana maxxansee jira.Dhaabbiilee barnootaa gurguddaa kanneen akka Yuunivarsiitii Finfinnee Kiiloo6,Kiiloo5 fi 4 akkasumas Faculty Commerce fi Journalism and Communication,Yuunivarsiitii Finfinnee Damee Bishooftuu keessatti library fi kaaffee biratti akkasumas bakkeewwan beeksisni bahu maratti maxxanfamuun ilmaan oromoof waamicha garboomfataa wwayyaaneef dhiphuu tahanii jiran.Waraqaaleen dhaadannoo kun Koollejjiilee kanneen akka Rift Vaalii,Yunitii fi Yuunivarsiitii Koollejjii Kotebee keessattis maxxanfamanii jiran.

Haaluma wal fakkaatuun Qeerroon Adaamaa waraqaalee dhaadannoo kanneen Magaala Adaamaa,Koollejjiiwwan Adaamaa keessatti argamanii fi Yuunivarsiitii Adaamaa keessatti maxxansuun dabballootaa fi jala deemtota mootummaa wayyaanee dhiphisee jira.Bulchinsi Yuunivarsiitii Adaamaa bulchinsaan alaammaltummaa fi loogiin wal nyaachaa kan jiran yoommuu tahu kanneen kana hojjetu Ilmaan oromoo hojjettoota tahanii fi Waardiyoota halkan eegani jechuun kanneen ilmaan oromoo tahan qorannoo eegalee jira.

Qeerroon magaala Shaashimannee,Arjoo fi Jimmaa waraqaalee kanneen maxxansuun milishoota gandaa dhiphisanii Sadaasa 9 ilmaan oromoo biratti guyyaa kabajamaa fi bara baraan Guyyaa FDG tahee yaadatamu tahuu mulisanii jiran.

Magaala Amboo,Yuunivarsiitii Amboo manneen barnootaa gad aanaa fi Magaala Gudar,Geedoo keessattis Qeerroon waraqaalee Sadaasa 9 ibsanii fi mootummaa wayyaanee balaaleffatan maxxansanii jiran.

Oomisha Investeroota mootummaa wayyaanee waliin harka wal keessa naquun hojjetan birattis Alaabaan ABO fannifamuun waraqaaleen akeekkachiisaa fi dhaadannoo maxxanfamuun Investerootni yaaddoo guddaa keessa akka buan taasifamee wayyaanee dhiphisee jira.

Bilisummaan biyyaa fi Uummata Oromoo hanga mirkanaau Qeerroon qabsoo finiinaa jiru jabaatee akka itti fufu irbuu maqaa wareegamtoota FDG tiin haaromsuun ilmaan oromoo marti akeeka gootawwan keenyaa galmaan geessisnee walabummaa akka argannuuf akka kaatan jechuun dhaammata.

Sadaasa 13,2012 Ejeree

Godina Shawaa lixaa aanaa Ejeree Magaala Ejeree keessatti jala deemtotni mootummaa Wayyaanee ilmaan Oromoo manaa miseensota ABO jedhamuun yakkamuun hojii irraa ariiamuun doorsifamuu irratti argamu.Jala deemtotni Wayyaanee sabboontota kanneen Guyyaa FDG kabajjanii jirtu jechuun qoratamtu erga jedhanii booda miindaa isaanii erga dhorkatanii booda hojii dhorkanii jiran.Sabboontotni oromoo

1. Obbo Girmaa Araarsaa Gargaaraa Hakiima beeyladaa aanaa Ejeree

2. Obbo Abbabaa Giddiiraa gargaaraa Hakiima beeyladaa aanaa Ejeree

3. Obbo Dhaqqabaa Tafarraa Gargaaraa Hakiima Beeylaa

Kan tahan mootummaa wayyaaneen yakkamuun hojii irraa akka dhaabbatan godhamee jira.Mootummaan wayyaanee diddaa uummataa itti jabaachaa dhufe dura dhaabbachuuf wal gahii uummata yaamuun ololuuf yaaltus Ganda Hinaaftuu keessatti uummatni 500 akka wal gahii bahan karoorfame keessaa 30 gad kan tahanii fi isaanis milishoota dirqama diinaa fudhatan duwwaa akka tahe qeerroon naannoo kanaa gabaasee jira.Ilmaan oromoo walitti qabuun olola diinaa uummatatti labsuuf dirqama kan fudhate Jala deemaa mootummaa wayyaanee Obbo Girmaa Caakkaa itti gaafatamaa waldaa Gamtaa aanaa Ejeree ti.Namni kun dhuunfaa isaaf ilmaan oromoo garbummaa bara baraa jalatti hambisuuf kurkuraa jira.

Qabsoon itti fufa!Gabrummaan ni kufa!