Muddee 20,2012 Gambeela

Mootummaan Wayyanee gaaffii barattoota Koollejjii Saayinsii fayyaa naannoo Gambeellaa Magaala Gambeellaa keessaa dhageettii dhorkachuun rakkoo fayyaa keessatti akka kufan taasise.Magaala Gambeellaa keessatti barattootni saayinsii fayyaa baayinaan 500 ol  yeroo ammaa yeroo ji’a tokkoo oliif rakkoo bishaan dhugaatiin rakkachaa jiru.Barattootni koollejjii gamtaan rakkoon isaanii akka hiikamu gaafatanis mootummaan Wayyaanee rakkoo isaanii kana dhageettii dhorkachuun dararn dhibee hamaaf akka saaxilaman taasisanii jiru.

Guyyaa kaleessaa  Muddee 19,2012 irraa kaasee barattootni Koollejjii kanaa rakkoo fayyaan rakkachuu irraa barnoota dhaabaa akka jiran Qeerroon naannoo kanaa gabaasee jira.Baajatni pirojektii kanaaf bahe malaammaltummaan akka dhume kan gabaafame yoommuu tahu mootummaan Wayyaanee yeroodhaa gara yerootti gibira uummata irraa funaanu dhimma misoomaaf osoo hin taane dhimma siyaasaaf oolchaa jiraachuun beekamaa dha.Yeroo ammaa kanas barattootni gaaffii kana gaafatan ija diinaan ilaalamaa akka jiran Qeerroon dabalee addeessee jira.

Muddee 20,2012 Dirree Daawaa

Qaalainsi jireenyaa biyyattii keessatti uummata rakkisaa jiru yeroodhaa gara yerootti hammaachaa deemee jira.Mootummaan Wayyaanee gibira humnaa ol uummata irraa funaanu dhimma siyaasaa ittiin gaggeessuu irraan darbee yeroo miindaan hojjettoota mootummaaf kaffalu baayee gad aanaa dha.Gaaffiin dabalinsa miindaa fi gibira madaalawaa kaffaluu yeroodhaa gara yerootti gaafatamaa dhufuun yeroo ammaa kana jabaachaa dhufee jira.

Yuunivarsiitii Dirree Dawaa keessatti barsiisotni Engineering fi Technolgy baayinaan 30 ol tahan gaaffii dabalinsa miindaa gaafatan.Gaaffii isaaniis gamtaan Pirezedaantii Yuunivarsiitichaatti kan beeksisan yoommuu tahu deebii hatattamaa guyyaa shaman kana
keessatti hin argannu taanaan hojii dhaabna jechuun beeksisanii jiran.Mooraa Yuunivarsiitii Dirree Dawaa keessatti hojjettootni mootummaa marti gaaffiin gaafatame gaaffii mirgaa fi nuyis cinaa dhaabbanna jedhanii jiran.Mootummaan wayyaanees gaaffii mirgaa hojjettootni gaafatan irraan kan baarage hojjettoota amalaan qabachuu yaalus nuyi waan itti jiraannu dhabne jechuun hojjettootni diddaa jabeessanii jiran.

Haaluma wal fakkaatuun Yuunivarsiitii Dirree Dawaa keessatti diddaan barattootaa dhalate.Mootummaan wayyaanee yeroodhaa gara yerootti baajata dhimma barnootaaf ramadamu hojii siyaasaaf oolchuu waan jabeesseef barattootni gamtaan gaaffii gaafatanii jiran.Baajatni nyaataa ramadamu dhimma siyaasaaf ooluu hin qabu,Nyaatni barattootaa qulqullummaa kan eeggate tahuu qaba jechuun gaafatanii jiran.Rakkoo wal fakkaataan barattoota Yuunivarsiitii Mattuu,Debre Markos,Amboo,Jimmaa fi Yuunivarsiitii Aksum mudatee waan jiruuf gaaffiin mirgaa itti fufee jira.Mootummaan Wayyaanees gaaffiiwwan
mirgaa gaafataman dura dhaabbachuu dadhabuun humna waraanaa fayyadamuun ukkaamsaa jira.

Muddee 20,2012 Hawaasaa
Sochiin dargaggoota Oromoo fi Sidaamaa Godina Sidaamaa aanaalee gara garaa keessatti cimuu fi barruuleen warraaqsaa heddumminaan ummata dhaqabuu irraan kan ka’e mootummaan Wayyaanee baaraga keessa seenuun gaaffii mirga saboota cunqurfamoo biyyatti keesssa jiru ukkaamsuuf jecha dargaggoota adda durummaan sochii waarraaqsaa qindeessaa jiru ykn keessatti qooda fudhattan jechuun jumulaan hidhaa akka jiru gabaasi Qeerroo naannicha irraa addeessa.
Akka kanaan Muddee 19 fi 20 2012 aanaalee gara garaa keessaa dargaggoota seeraan ala hidhuun mana hidhaa magaalaa Hawaasaa keessatti dararaa akka jiru beekame. Hanga ammaatti kenneen hidhaman keessaa :-

Kanneen kana ta’uu gabaasi Qeerroo naannicha irraa addeessa.

Muddee 19,2012 Finfinnee

Ilmaan Oromoo yeroodhaa gara yerootti mootummaa Wayyaaneen yakkamuun gara mana hidhaatti guuramu.Keessumaa mootummaan Wayyaanee lamiilee Oromoo qabeenya,human ykn beekumsa qaban irratti tarkaanfiin fudhattu hidhaa ykn ajjeechaa tahee hammaachaa jira.

Godina Horroo Guduruu Wallaggaa magaala Shaambuu keessaa abbaan qabeenyaa Koollejjii Odaa Bulluq Obbo Haayiluu Abbabaa mootummaa Wayyaaneen yakkamuun mana hidhaa Maaiekelaawwiitti fudhatamuun reebichi addaa irratti gaggeeffamaa jiraachuun beekame.

Obbo Haayiluu Abbabaa wayita barsiisummaa irraa hanga abbaa qabeenyummaa isaatti uummataan hedduu kan jallatamuu fi hojii hojjetu irrattis kabajamaa kan ture mootummaa Wayyaanee waan rifaasisaa dhufeef mana hidhaatti ukkaamsitee jirti.

Gara mana hidhaa mootummaa Wayyaanee Maaikelaawwiiti erga fudhatamees qorannoon ati qabeenya kana eessaa fidde? Qabeenya kanaan ABO gargaaraa jirta.,ABO beekta,Odaa Bulluq jettee koollejjii bantetti moggaasuun ergaa siyaasaa of keessaa qaba.Kanneen jedhan gaafachuun qorannoodhaan rakkisaa reebicha addaas irraan gaggeessaa jiru.Mootummaan wayyaanee yeroodhaa gara yerootti abbootii qabeenyaa yakkuun mana hidhaatti guuraa turuun isaas ni yaadatama.Magaala Naqqamtee irraas abbaan qabeenyaa Dassaalee Dabalii fi Abbaan qabeenyaa Hoteela Hawwii magaala Finfinnee irraa Wayyaaneen yakkamuun mana hidhaa mootummaa wayyaaneetti darbatamuun isaaniis ni yaadatama.

Muddee 19,2012

Gaaffiin mirgaa uummatni oromoo gaafatu dura dhaabbachuuf mootummaan wayyaanee waraana federaalaa gara Magaallan Oromiyaa keessatti bittinsite.Mootummaan wayyaanee gaaffii uummatni oromoo gaafachaa jiru humnaan dura dhaabbachuuf kan akeekkatte waraana federaalaa gara magaala Dirree Dawaa,Amboo,Jimmaa,Shaambuu fi Naqqamteetti guuruu eegalee jira.Poolisootni federaalaa 300 tahan gara magaala Dirree Dawaatti kan geeffaman yoommuu tahu waraanni ABO magaala keessa jira soda jedhuun tahuu odeessi poolisii federaalaa irraa qeerroo dhaqqabe addeessee jira.

Mootummaan Wayyaanee yeroodhaa gara yerootti gaaffii mirgaa uummata Oromoo dura dhaabbachuuf shira inni xaxu halkanii fi guyyaa hidhaa fi ajjeechaa yoommuu tahu gaaffiin hawaasni musliimaa gaafachaa jiranis mootummaa Wayyaanee kaumsaa fi taaumsa dhorkee jira.Wayyaaneen magaala Finfinnee keessattis sakattaa addaa eegaluun jiraattota magaala Finfinnee goolaa jira.Sakattainsi addaa keellaawwan magaalittii keessatti kan jabaate yoommuu tahu namootni mana dhabeeyyii tahuun karaa irra jiraatanis poolisootaan halkan reebamuun qoratamaa jiru.

suuraa poolisii federaalaa yoommuu magaala keessatti gamtaan uummata doorsisu agarsiisu

suuraa gamtaa poolisii

Muddeen 19,2012 Harbegooraa

Mootummaan Wayyaanee uummattoota Impaayera Itoophiyaa keessaa mara abbaa irrummaan akka bulchaa jiru beekamaa dha.Sabawwan cunqurfamoo biyyattii keessaas yeroodhaa gara yerootti gaaffiiwwan mirgaa kaasuun mootummaa Wayyaanee muddaa turuun ni beekama.Naannoo uummattoota kibbaa keessatti sabawwan cunqurfamoo sidaamaa Qeerroo waliin tahuun abbaa irrummaa bara baraa kana hundeen buqqisuuf hojii erga jalqabanii as gaaffiiwwan mirgaa kaasuun mootummaa Wayyaanee muddaa jiru.Godina Sidaamaa aanaa garaa garaa keessatti dargaggootni sidaamaa Qeerroo waliin tahuun nuyi bilisummaa barbaadna,mootummaan abbaa irree Wayyaanee nu bulchuu hin qabu,hojii dhabdummaa fi qaalainsi jireenyaa biyyattii keessaa haa dhaabbatuu fi k.k.f kaasanii jiru.Dargaggootni Sidaamaa magaala Hawaasaa fi aanaa Harbegooraa keessatti dhaadannoowwan afaan Oromoo fi sidaamaan barreeffaman hedduumminaan maxxansanii jiran.Dhaadannooleen kunneenis

1. MOOTUMMAAN WAYYAANEE GARBOOMFATAA DHA!( “WOYAANETE GASHSHOOTI FUGGOOTENNA GAWAJJOTE GASHSHOOTEETI!”)

2. Gaaffiin mirgaa uummataa haa deebiu! (DAGATE MAFITETE XA’MO RAHOTENNI HIGGO!)

3. Lagni abbayyaa hidhamuun gaaffii uummataa hin dhaabu!( ABAYI KONFOONNI DAAFO DAGATE XA’MO DI UURRITANNO!

4. Mootummaan dhimma amantii keessa seenuu haa dhaabu!( ” HAYIMAANOOTETE GIDDORA CA’U YEE E”A UURRITO!”)

5. Gaazexeessitootni biyyattii keessaa hidhamuun haa dhaabbatu!( ” MANGISTE GAAZEEXA QIXXEESSANNO MANNA USURA UURRISSO!”

6. Gaaffii bilisummaa kanneen kaasan shorokeessitoota miti!( “KEERANCHIMMATE OLANTANNORI GOBBA HUNTANNORE DI IKKITINO!”)

7. Gaaffiin Hawaasa musliimaa gaaffii mirgaati!( ISLAAMU XA’MO BAALUNKU XA’MOOTI!”)

8. Mallasaan abbaa Kaayyoo osoo hin taane abbaa irree dha.( “MELLESSE AJUUJAAMMO IKKIKKINNI HANAAQAAMOHO!”)

9. Sirni Dimokiraasii dhugummaan haa mulatu!( DEMOKIRAASIYAAWE GASHSHOOTE ABBATE SHARRAMEEMMO!”)

10. Hidhamtootni siyaasaa haal duree tokko malee haa hiikaman!( “POLETIKU USURAMAANO TIDHDHANTO!”)

11. Saaminsaa fi malaammaltummaan haa dhaabbatu!( ” MUSINNUNNA GAWAJJO UURRITO!”)

Kanneen jedhan Godina Sidaamaa aanolee garaa garaa keessatti kan maxxanfaman yoommuu tahu dargaggootni sidaamaas walitti dhufuun bulchinsa aanaatti gaaffii bilisummaa kaasanii akka jiran gabaasi addeessa.

Mootummaan Wayyaanees gaaffii mirgaa sabawwan cunqurfamoo biyyattii keessaa dura dhaabbachuu waan dhadhabeef ilmaan Sidaamaa tahan aanaa Harbegooraa keessaa Jumlaan mana hidhaatti guuree jira.Aanolee garaa garaa keessaa fi magaala Hawaasaa keessaas ilmaan Oromoo fi Sidaamaa mootummaan Wayyaanee adda durummaan adamsuu irratti argama.Aanaa Harbegooraa keessaa dargaggootnii fi qotee bultootni 30 ol kan mana hidhaa mootummaa wayyaaneetti naqaman tahuu qeerroon gabaasa.

Haala kana waliin wal qabatee qotee bulaa Obbo Daanieel Dassaaleny jedhaman reebicha jabaa irraan gahuun yeroo ammaa duaa fi jireenya jidduutti akka argamu gabaasi qeerroo addeessa.

Muddee 19,2012 Finfinnee

Yuunivarsiitii Finfinnee keessatti diddaan barattootaa jabaachuu irraa kan ka’e mootummaan Wayyaanee waraanaa fi tika hedduumminaan bobbaasuun barattoota doorsisaa jiraachuun beekame. Barattoot biyyattii barnoota xumuranii hojii dhaban irra darbee barattoota Yuunversitii dhaa baratan mooraa yuunivarsiitii keessaa arii’uun gowwoomsee waraana fi tiksan
taasisuuf shira xaxaa jiru keessaa inni guddaan qabxii darbinsaa kennamu murteessuu dha.Kunis qulqullina barnootaa dahoo godhachuun mootummaa Wayyaaneen tarkaanfatamaa kan jiru yoommuu tahu barattootni Yuunivarsiitii waraqaa iyyannoo fi waamichaa bittinsuun gamtaan bittaa garbummaa jalaa bahuuf diddaa itti fufanii jiran.

Yeroo dhihoo kanaa kaasee mootummaan wayyaanee waraana federaalaa guyyaa dilbataa fi sambataa mooraa yuunivarsiitii finfinneetti naanneessuun kan tiksuu fi basaastotaa fi tika mooraa keessa seensisuun sakatta’insaa fi doorsisaan barttoota rakkisaa jira.Mootummaan Wayyaanee qabxii barnootaa akkaataa iskeelii qabxii barattootni itti fidaniin kennamu jijjiiruun barattoota qabxii 85 ol fidan ”A”, kanneen 75 ol fidan ”B” fi kanneen 60 fidan ”C” kennuun barattoota 80% ol tahan mana barnootaa keessaa arii’uun hojii dhabdummaa biyyattii keessaa rakkisaa jiru irratti hirkattummaa ida’uun dargaggoota rakkoo keessa buusuuf karoorfate barattootni gamtaan dura dhaabbachaa jiran.Mooraa yuunivarsiitii Finfinnee kiiloo 6 keessatti barattoota irratti sakatta’insi gaggeeffamu hammaachaas dhufuun galgala uummatni naannoo kanaa fi Piyaasaa kana waliin wal qabachuun sakatta’insaan hojii irratti dhiibbaan addaa isaan irratti dhufaa jira.