Adoolessa 15,2013 Finfinnee

Mootummaan wayyaanee umrii isaa guutuu ilmaan oromoo mana hidhaatti ukkaamsaa kan ture yeroo ammaa kana ilmaan Oromoo mana hidhaa mootummaa wayyaanee gidduu galeessaa(Maaikelaaawwii) keessatti ukkaamsuun dhiibbaa qaamaa fi namummaa garaa garaa irraan gahaa jiran.QBO uummata Oromoon gaggeeffamu dhaamsuuf mootummaan wayyaanee duula hidhaa gaggeessus qabsoo ilmaan oromoo daran jabeesse malee takkaa duuba deebisee hin beeku.Ilmaan Oromoo

1.Dassee Alamuu kantiibaa magaala Sabbataa kan ture

2.Nuuraddiin Ahmed dargaggoo miseensa ABOti jedhamuun Mieessoo irraa qabame

3.Dargaggoo Baqqalaa Oljirraa Moyaaleetti ati ABOti dabalamuuf deemta jedhamuun kan yakkame

Yeroo ammaa mana hidhaa mootummaa wayyaanee keessatti isin ABO beektu jechuun miidhaan qaamaa fi qorannoo addaa irraan geessifamaa jira.Ilmaan Oromoo kuneenis nuyi oromoo waan taaneef hidhamne malee waan ABO taaneef miti jechuun ifaan gaggeessitoota mootummaa wayyaanee miidhaa ulee fi shira diinaa kamuu osoo hin sodaatiin himaa jiru.

Gabaasa Adoolessa 15,2013

Godina Harargee bahaa keessatti diddaa ilmaan oromoo irraa mootummaa wayyaanee fi jala deemtota ishee mudate dura dhaabbachuuf wayyaaneen aanaa Haramaayaa araddaa Boortee keessatti wal gahii qotee bultoota waamte irratti diddaan daran jabaatee fi gaaffiileen mirgaa kaafaman mootummaa wayyaanee fi jala deemtota isaanii guutummaan rifaatii keessa buuse.Mootummaan wayyaanee Jia Adoolessaa keessa wayita qotee bultootni hojiin muddamanii jiranitti barattootni Yuunivarsiitii irraa galan waan ABO fi qeerroo isin barsiisaa waan jiraniif ijoollee kana hojjetu saaxilaa jechuun wayita gaafatanitti uummatni isin diina diina waliin maal walitti qabna jechuun gaaffiilee mirgaa

Ijoollee keenya mana hidhaatti ukkaamsuu malee ijoollee keenyaaf hojii kennuu maaliif afaan keessanii baastanii hin dubbattan

Xaaoo qaalae irratti baaa dabalataa nutti tahuuf wayita nuyi hojjechaa jirru maaliif wal gahii nu waamtu

Isin miseensa wayyaanee kan tahaniif maaliif lafa keenya kuttanii kennitu

Jechuun ifaan mormii dhageessisanii jiran.Gaaffiilee kana kan qindeesse sidha jechuun qotee bulaa oromoo Sheek Mohaammed Abduljabbaar kan jedhaman mana hidhaa Harar keessatti ukkaamsanii qorannoon rakkisaa jiru.Ijoollee fi warri isaas gaafa deemanii gaafatan as hin jiru jechuun dhoksanii miidhaa addaa irraan gahaa jiran.

Adoolessa 15,2013 Hawaasaa

Diddaa barattootaa yeroo hundaa humna waraanaan dura dhaabbachuu kan itti bare Mootummaan Wayyaanee Yuunivarsiitii Hawaasaa keessatti guyyaa eebba barattootaa irratti diddaan barattootaa dhalata sodaa jedhuun mooraa Yuunivarsiitii fi magaala Hawaasaa waraanaan tiksaa jira.Mootummaan Wayyaanee keellaawwan magaala Hawaasaatti seensisan haala jabaan sakattaaas kan jiru yoommuu tahu uummata oromoo eebba barattootaaf Yuunivarsiitii Hawaasaa deemaa jiru irraa sodaa akka qabanis saaxilamee jira.Qeerroon Yuunivarsiitii Hawaasaa filannoo Pirezedaantii barattootaa irraa eegalee sodaan wayyaanee daran mooraa keessatti kan jabaate tahuu ibsuun barattoota eebbifamtootaa fi kanneen Yuunivarsiitii keesssatti hafan waliin marii balaa gaggeessanii jiran.Mooraa yuunivarsiitii Hawaasaattis sabboontotni Oromoo eebba barattootaaf dhaqan barattootatti dabalamuun marii isaanii kan gaggeessan yoommuu tahu,hojii qabsoo bilisummaa oromoo jajjabeessuu fi KHR Qeerroo Yuunivarsiitii Hawaasaatti hundee jabaa uumuuf gumaacha maallaqaas 650(dhibba jahaa fi shantama taasisanii jiran.

Adoolessa 14,2013 Jimmaa

Mooraa Yuunivarsiitii Jimmaa keessaattii yakkii ajjeechaa Poolisotaa fi dabbaloota Mootummaa Wayyaanee fi EPRDF’n barataa Oromoo irraatti rawwatame.

Poolisonnii fi dabbaalloonnii sirnaa Wayyaanee EPRDF’n durfaman mooraa Yuunivarsiitii Jimmaa keessaatti Ilmaan Oromoo adamsanii ajjeesaanii dhuksuuf yaalii torbee tokkoo oliif godhaniyyuu ciminaa sabboontotaa Qeerroo baratootaa Oromoo if irraa eegaa turan.

Akka kanaan barataa Faasil Huseen Umar Barataa Saayikooloojii Waggaa 2ffaa bakkii dhalootaa isaa Godinaa Baalee kan ta’ee Adooleessaa 7/2013 galgala keessaa sa’aa 2;30 irraatti utuu Yuunivarsiitii Jimmaa karraa guddaa karaa dhihaa gara mooraatti seenaa jiruu humnotaa Poolisaa karraa irraa Jiraniin qabamee Wajjiraa Poolisaa Mooraa Yuunivarsiitii Jimmaa keessaatti argamuu biroo hogganaa wajjiraa Poolisaa mooraa Yuunivarsiitii Jimmaa Kaliid Abbaa Tamaamiitti geeffaamuun humnotaa tikaa ,dabbaalootaa fi hogganaa pooliisii mooraa Yuunivarsiitii Jimmaan reebbichaan humnaa olii irraatti rawwaatame,

Sirna mootummaa Wayyaanee mormuun tokkummaa dargaggoota Oromoo ykn Qeerroo Bilisummaa keessaa hirmaannaa qabda,mooraa kana keessatti ijaaramtanii sochii farra mootummaa gaggeessaa jiruu fi kkf itti kaasuun halkaan keessaa hangaa sa’aa 7:30tti reebbichaan dararamaa hamaa irraa ga’ee. sanaa boodaa gadii baasuun qorraa keessaatti seensuma mooraa Yuunivarsiitii bakbala guddaa irraatti laameraa xiqqoo 3mx3m ijaaramtee balbala irraa jirtuu keessaatti hidhame. Dararama hamaa irraa ga’een halkaan keessaa sa’aa 10:30 irraatti lubbuun isaa wareegamuun saxilamee jira. Dabballoonnii fi poolisonnii tarkaanfii ajjeechaa barataa nagaa kan yakka tokkoo illee dalagee hin beeknee  barataa Faasiil Huseen kana irraatti raawwatan .

Dubbiin kanaan hin dhaabbatuu gochaan diinummaa kun akkamiitti akka rawwatee, eenyuun akka rawwatee fi essaatti yoom akka rawwaatee biraa ga’uuf saboontotni Qeerroon hojii tikaa fi Odeeffaannoo dhimmaa kana qulqulleessuuf qorannoo guyyaa shanii gaggeessuun Barataa Faasil Huseen Umaar barataa Sayikoolojii wagga 2ffaa Doormii Koomoroos jedhamuu kan galaa turee, yeroo ammaa boqonnaaf biyyaa galuuf qophii irraa jiraachuu isaa fi Adooleessaa 7/2013 sa’aa 7:30 irraatti dormiidhaa Mooraa Yuunivarsiitii alatti ba’ee buufataa konkolaataa deemuun tikeetaa ittin gara biyyaa deemuu muratee galgalaa sa’aa 2:30 irraatti Mooraa Yuunivarsiitii Jimmaa gara doormii isaatti deebii’uuf mooraa utuu seenuu ni barbadamtaa jechuun poolisotaa fi namotaa hucuu poolisaa hin ufatiin lamaan qabamee gara wajjiraa poolisaa Mooraa keessaatti argamuu biroo Kalid Abbaa Tamaamitti geeffamuun namotaa biro kana waliin jiranii fi kanneen gochaa suukkanneessaa barattoota irratti raawatan gutuutti eenyummaa isaanii waan qabnuuf gama fuula duraa ibsina.

Ummanni Oromoo keessattuu warri biyya alaa jiraatan ajjeechaa,saaminsa qabeenyaa fi dachii,hidhaa fi yakkoota Oromoo irratti raawatamaa jiru mara irratti iyyannaa hanga har’aatti taasiftan hafee hin qabu.Caalaatti gidiraa saba irra jiru dhageessisuu fi aduunyaa haala Oromoon keessa jiru hin beekiinitti dhaqabsiisuuf tokkummaan sagalee keessan akka ol kaftan imaanaan isin irra jirti.

Oromiyaa 

“Lukkuu Gowwomsanii Teephaan Kuffisani” hiikkaan mammaaksa kana keessa jiru gahaatti namaa gala.  

Dhihoo kana Mootummaan Wayyaanee qoodumsa ykn raabsii aangoo taasiseen bakka  bulhiinsa magaalaa Finfinnee kan ture Obbo Kumaa Damaqsaa dhaa Obbo Dirribaa Kumaa buusee jira.  Obbo Dirribaanis ta’e kan duraanii Kumaan maqaa Oromoon bakka bulchiinsa Finfinnee akka qabatanii jiranii fi Oromoon aangoo siyaadaa keessaa qoda guddaa qaba jechuuf akka itti dhimma bahan ta’uun isaa   waan nama shakkisiisu hin jiru.Ammoo barchuma bulchiinsaa haa qabatan malee magaalaa Finfinnee kan Oromoo taasisuufis ta’e qabeenyaanis ta’e qubsumaan daangaa lafa magaalaa irra Oromoota jiran buqisuu fi lafa irraa buqisiisuun duressoota alagaaf akka raabsaa turan iccitii gabaa keessati.

Amma akka Obbo Dirribaan aangoon bulchiinsa Finfinnee itti kennameen, bulchiinsa Finfinnee keessatti bakkoota furtuu, furtuu ta’an hunda irratti kanneen ramadaman marti saboota birooti. Dirribaa Kumaa(OPDO) irraa kan gadi hafe abbaa biyyaa kan ta’e Oromoota akka hin taane  baldhinaan dubbatama. Fakkeenyaaf

1. አቶ አባተ ስጦታው ምክትል ከንቲባ
2. አቶ ሀይሌ ፍሰሃ የአዲስ አበባ ከተማ አስተዳደር ስራ አስኪያጅ
3. አቶ ይስሃቅ ግርማይ የአቅም ግንባታ ቢሮ ሀላፊ
4. አቶ ጌታቸው ሀይለማርያም የኮንስትራክሽንና ቤቶች ልማት ቢሮ ሀላፊ
5. አቶ ጥላሁን ወርቁ የጥቃቅንና አነስተኛ ቢሮ ሀላፊ
6. አቶ ገብረ ፃዲቅ ሀጎስ የባህልና ቱሪዝም ቢሮ ሀላፊ
7. ወይዘሮ ብዙነሽ መሰረት የሴቶች ህፃናትና ወጣቶች ጉዳይ ቢሮ ሀላፊ
8. አቶ ኤፍሬም ግዛው የሰራተኛና ማህበራዊ ጉዳይ ቢሮ ሀላፊ
9. አቶ ሺሰማ ገብረስላሴ የንግድና ኢንዱስትሪ ልማት ቢሮ ሀላፊ
10. አቶ ፎርኢኖ ፎላ የፋይናንስና ኢኮኖሚ ልማት ቢሮ ሀላፊ
11. አቶ ሰለሞን ሀይሌ የመሬት ማኔጅመንትና ልማት ቢሮ ሀላፊ
12. አቶ ዲላሞ ኦቶሬ የትምህርት ቢሮ ሀላፊ
13. አቶ ፀጋዬ ሀይለማርያም የፍትህ ቢሮ ሀላፊ
14. ወይዘሮ ፍሬህይወት አያሌው የኮሙኒኬሽን ጉዳዮች ቢሮ ሀላፊ በመሆን ተሹመዋል ።

Egaan aangoo fi murteessummaan Obbo Dirribaa fedhinnaa saboota biroo warra jalatti ramadaman irratti hundaawa . Muudama aangoon murteessummaa harka hin jirre! Kanaaf maqaa Oromoon daldaluun hanga yoom laata???

Odeessi argame akka armaa gadiiti:-

አቶ ድሪባ ኩማ የአዲስ አበባ ከተማ ከንቲባ ሆኑ