Murtiin Dabaa Barattoota Oromoo Yuuniversitii Adda Addaa fi Duulli Uummata Oromoo Irratti Baname Qabsoo Oromoo Galii Hin Hanqisu.

Ibsa Qeerroo Bilisummaa

Hagayya gaafa 7 bara 2013 Manni Murtii Wayyaanee dhaddacha ooleen galmee barataa Dachaasaa Wiiruu jalatti barattoota Oromo 24 irratti murtii fudhate murtii haqa irraa jallatee fi duula ta’e jedhamee ummata Oromoo irratti baname waan ta’eef jallina haqa Oromoo kanaaf mootummaan Wayyaanees ta’e gartuun sirnicha tajaajiluun miidha hanga hin qabne baratootaa fi addattis ummata Oromoo irraan gahaniif gaafatama jalaa hin bahan.

Baratoota Oromoo Yuuniversitiilee adda addaa irraa walitti qabuun  himata “mootummaa EPRDF mootummaa haqaa fi ummata Oromoo sirnaan tajaajilaa hin jiru jechuun ummata mootummaa irratti kakaasuuf qindooftanii waan jirtaniif maqaa shororkeessummaan yakkamtan” jechuun mootummaan Wayyaanee baratoota Oromoo dhaddacha isaa dhaabee murtii hidhaa wagga dheeraa fi gabaabaa irratti murteessee jira. Oromoon mirga akka gaafatuuf jettanii gara fuula duraatti hiriira bahuuf mariyataa jirtu jechuun barattoota yeroo hidhanii fi barnoota irraa ar’inan baroota dheeraaf muldhatee jira. “Ummati Oromoo gara fuula duraatti hiriira bahuuf jettu” jechuun barattoota maqaa qindeessummaan qabamanii yakka gara malee fi murtiin dabaa Wayyaanee irratti jigaa waan jiruuf sochiin dargaggoota Oromoo biyyoolessaa gochaa kana gadi jabeessee balaaleffata. Mootummaan Wayyaanee barattoota Oromoo hidhuu fi ummata Oromoo qe’ee irraa buqisuun rakkoo siyaasaa furuuf tattafachuun qabsoo diddaa ummata Oromoo tasa dhaamsuu akka hin dandeenye kanuma waliin beeksifna.

Guutummaa Ibsa Kanaa Dubbisuuf :- Barattooa Oromoo Yuuniversitii Adda Addaa Irraa Hidhaman ilaalchisee Ibsa Sochii Dargaggoota Biyyoolessaa

Ethiopia: Extreme Brutality against Civilians

HRLHA

HRLHA Appeal and Urgent Action

August 10, 2013

For Immediate Release

The Human Rights League of the Horn of Africa (HRLHA) strongly condemns the heavy-handedness of the Ethiopian government that is causing the deaths of innocent civilians attempting to exercise some of their fundamental rights that are provided for in the countrys constitution and in international human rights instruments. According to reports obtained by the HRLHA through its correspondents, twenty- seven innocent civilians including five children (four in Kofole and one in the capital city, Addis Ababa) have been killed, hundreds have been injured and hospitalized, and thousands of others have been taken into custody in two separate incidents in the first week of August this year. In a clash between armed security forces and Muslim protestors that happened on the 3rd of August, 2013 in the Kofele region of Arsi Zone in Central Oromia, twenty- five were massacred and hundreds were injured and taken to Asela and Shashamane Hospitals.

Read more:- HRLHA Appeal and UA , August 10, 2013.pdf

Hagayya 09,2013 Gabaasa Qeerroo Aanaa Kofale
Maqaa golgaa Amantiin duula sanyii balleessaa Oromoo irratti raawatamaa jiru galmee muldhisu maadheen Qeerroo galmeen caasaa mootummaa keessaa akka gabaasutti Oromoonni list armaa gadii  kana keessatti argaman amantii dahoo godhachuun mootummaan Wayyaanee Hagayya 05,2013 irraa kaasee aanaa Kofalee keessatti farrummaa ilmaan Oromoo irratti hojjechuun warra badii tokkoon malee hidhamani dha.

Amantiilee Protestaantii fi Waaqeffataa Oromoo guutummaan mana hidhaatti guuraa jira.Akka galmeen kun muldhisuu fi qabatamaatti Oromoonni qabamanii mana hidhaa Wayyaanee seenan amantiilee Waqeffataa,Musiliimaa fi Kiristaanota Oromoo waan ta’aniif duulli mootummaan Wayyaanee amantii dahoo godhachuun ummata keenya irratti bobba’u akka dhaabbatu Oromoon bakka martuu gaafachuun yeroo dha.

Gutummaan galmee kanaa lis kana keessaa argattu:-   List namoota hidhaman.docx

Ibsa Qeerroo Bilisummaa Oromoo Godina Dhihaa Oromiyaa

Duguugginsaa sanyii (Genocide ) Oromiyaa keessaatti Ummataa Oromoo irraatti gaggeeffamaa jiruuf mootummaan nannoo Oromiyaa fi Federalaa Wayyaanee adda durummaan itti faafatamummaa jalaa hin bahan.

Oromiyaa keessaatti yeroo irraa gara yerootti duulli duguuginsa sanyii mootummaan Wayyaanee U/Oromoo irraatti fudhachaa jiru jabaatee itti fufaa jira. Hagayyaa 3/2013 Godina Arsii Lixaa aanaa Kofalee fi nannoo sanatti uummata Oromoo nagaa hordoftoota amantaa Muslima gaaffii mirgaa karaa nagaa waggaa lamaa oliif gaaffaachaa jiruu irraatti humna ittisa biyyaa waraana bobbaasuun yakkii ajjeechaa ilmaan Oromoo namoota 20 ol irraatti raawwatee jira, ajjeechaa jumlaa Ummataa Oromoo nagaa irraatti gaggeeffaamaa jiruuf itti gaafatamaan mootummaa nannoo Oromiyaa ofiin jedhuu fi mootummaa Federaalaa Wayyaanee EPRDF ta’uu Qeerroon ibsa ajjeechaa jumlaa ummataa Oromoo Godina Arsii Lixaa Aanaa Kofaleetti waranaa Mootummaa EPRDF’n fudhatame ilaalchisuun baaseen hubachiisee jira. Mallattoo mootummotaa abbootii irree keessaa inni guddaan uummataa isaaniin mormu humna waraanaa of harkaa qaban itti bobbaasuun kallaattiin dhukaasaanii ajjeessuudha, mormitotaa sirna isaanii dhabamsiisuu dha, kanaaf Ethiopia keessaatti Minilik, Hayilee Sillaasee, Darguu,fi mootummaa EPRDF Wayyaaneen ammaa angoo biyyattii afaan qawween dhuunfatee jiruu fakkeenyaa gaariidha.

Keessaattuu ajjeechaa suukkaaneessaa Hagayyaa 3/2013 Godina Arsii Lixaa aanaa Kofalee fi nannoo isheetti uummata Oromoo nagaa hordoftoota amantaa Muslima gaaffii mirgaa karaa nagaa gaaffaachaa jiruu irraatti humna ittisa biyyaa waraanaa bobbaasuun ummataa meeshaa maleeyyiitti waranaa bobbasuun ajjeechaa jumlaa uummataa keenyaa irraatti raawwatameef mootummaan nannoo Oromiyaa fi Federalaa wayyaanee itti gaafatamuu qabu. uummaanni kumatti lakka’amuu jumlaan mana hidhaatti darbamee jira. keessaattuu mootummaan nannoo Oromiyaa namoota sadii qofatu du’ee jedhee karaa foddaa TV isaa amanee, kaan haalee jiraachuun itti gaafatama jalaa kan isaan hin baasnee ta’uu ni hubachiifna.

Guutummaan ibsa kanaa:- Ibsa Qeerroo Godina Dhiha Oromiyaa Hagayya 2013

Hagayya 07,2013 Fiichee

Ayyaanni Chambalaalaa Fiichee uummata Sidaamaan kabajamu diddaa uummataa harkisee mootummaa Wayyaanee dhiphise.Mootummaan Wayyaanee sabaa fi sablammii impaayera Itoophiyaa keessaa irratti dhiibbaa garaa garaa gaggeessaa kan ture sabni cunqurfamaa Ayyaana kana irratti dura dhaabbachuun gaaffiilee mirgaa garaa garaa dhiyeessanii jiran.Gaaffiiwwan mirgaa mootummaan wayyaanee abbaa irree waan taheef aangoo irraa haa buu,Kibbi kallattiidha malee uummata hin ibsu kanaaf Sidaamaan naannoo of dandeesse dha,Hidhamtootni siyaasaa haa hiikamanii fi kkf dhaadachuun mootummaa wayyaanee dhiphisanii jiran.Dargaggootni sidaamaa waraqaa dhaadannoo fi waamichaa galgala irraa kaasuun magaala hawaasaa fi bakkeewwan garaa garaatti kan bittinsan yoommuu tahu,uummatni haamileen mirga isaa akka gaafatu taasifamee jira.Mootummaa wayyaanees gocha kanaan kan baarage waraana hedduumminaan bobbaasuun dargaggoota mana hidhaatti guuree ukkaamsee jira.Dargaggootni sidaamaa

1. Dargaggoo Sintaayyoo Lankaamoo

2. Dargaggoo Amaaree Kamisoo

3. Dargaggoo Biraanuu Kifle

4. Dargaggoo Gaarradoo Hoomaa

5. Dargaggoo Dastaa Chucha

6. Dargaggoo Lammisoo Shuuraa

7. Dargaggoo Dassaaleny Alamuu

Kanneen jedhaman dargaggoota 40 ol waliin mana hidhaa keessatti ukkaamsamanii jiran.Mootummaan wayyaanee gaaffii mirgaa karaa hidhaa fi ajjeechaa kan dura dhaabbatu tahuu duruu hubanne waan taheef itti fufinsaan diddaa gaggeessina jechuun dargaggootni sidaamaa ibsanii jiran.