Category Archives: Oduu/News
Aside
#OromoProtests :- Heenook Joorjii “Garaan Keenya Hin Fayyu” New Oromo Music 2016
Aside
Hawwisoo Qeerroo Bilisummaa Guyyaa Gootota Oromoo Ebla 15 Ilaalchisee Faaruu Warraaqsaa
Aside
Matootii dhaaboota shanii waliigaltee isaani xumuratan. Via unity of oppressed people – PAFD.
Aside
Aside
Ebla 3,2016 Godina Hararge LixaAnaa Odaa bultum Magala Baddessatti Guyya har.a Yeeyyiilee Waarraaqsaa (Daa’imman) Magaalaa baddessa yeroo mormii isaanii dhageessisuun uummata Oromoof waardiyyaa dhaabbachuu isaanii muldhisan.
Barsiisota,Daldaltootaa fi Jiraattota Oromoo Godina Wallaggaa Aanaa Giddaa Ayyaanaa Keessaa Hoomaa Loltoota Wayyaanee Naannicha Weerareen Dararamaa Jiraachuu Qeerroon Gabaase.
Aside
Ebla 3,2016 Fincila xumura gabrummaa aanaa Giddaa Ayyaanaatti belbelaa tureef sababi guddaan isini jechuun barsiisota, hojjetoota mootummaa, daldaltootaa fi barattoota rasaasaan qeeraa turan itti xinnaannaan ammammoo kanneen irraa hafatan gara dabarsuutti jiru.
Torban darbe dura kanneen armaan gadii kana of keessaa dhabneerra jedhu.
1. Mitikkuu Kabbadaa—– barsiisaa seenaa (history) , sabboonaa ummata biratti akka warqeetti ilaalamu
2. Tafarraa Margaa—-daldalaa fi uffata kan hodhu
3. Gammachuu Wiirtuu—-barsiisaa civics
4. Mootii Qana’aa—-barsiisaa Geography kan filannoo bara 2010 tti paartii madrek bakka bu’ee filamee mo’atee boodarra shira wayyaaneen jalaa haqame
5. Margaa Jogoraa—–daldalaa fi sabboonummaa fi gootummaan naannoo Giddaatti kan beekamuu fi kanneen biroo barattoota dabalatee erga dhi’oo asii of keessaa dhabneerra jedhu ummati Giddaa Ayyaanaa.
Kanneen keessaa Tafarraa Margaa Maa’ekelaawwii akka jiru kan barame yoo tahu kanneen biroo eessa akka geeffaman hin baramne jedhu. Dhumarrattis Qabsoo jalqabne otuu adda hin kutiin haa finiinsinuun dhaamsa Qeerroo Giddaa Ayyaanaati
Gurmuun Tumsa Qeerroo Bilisummaa Oromoo Biya Australia Kutaa Perth Keessatti Argamu Dargaggoota Ogadeen Perth Waliin Dhimmoota Mirga Sabaa Irratti Mari’ate:
Aside
Gurmuun Tumsa Qeerroo Oromoo Perth fi dargaggootni Ogaden Perth haala itti qabsoo biyya keessaa itti gargaaruu danda’an Ebila 2,2016 walitti dhufuun marii gaggeeffatan. Akka odeessi biyya Australia lixaa, magaalaa Perth irraa nu gahetti Uummatni Oromoo fi Uummatni Ogaden hiree walfakkaatu qabaachuu irraa qabsoo bilisummaa gaggeessaa jiraachuu, kana irraa ka’uun jaarmayoonni kallacha qabsoo isaanii (Adda Bilisummaa Oromoo fi Adda Bilisummaa Biyyoleessa Ogaadeen) kanneen hireen isaanii wal fakkaatu (Benshangul, Gaambellaa fi Sidaamaa) waliin Tumsa Ummattootaa kan dimokiraasii fi bilisummaa utubuun ka’uumsa walitti dhufeenya isaanii akka ta’e hubatameera.
Marii yeroo jjalqabaaf gaggeeffatan kana irratti akkaataa hawaasa isaanii lamaan caallatti walitti gurmeessuun danda’amu, haala fuula dura waliin itti hoijjachuu danda’an, hawaasa fi dargaggoota gar lachuun keessatti waan Uummatota lamaan wal fakkeessu odeessa uummataan gahuu danda’aamu irratti marii bal’aa gaggeeffachuu isaanii gabaafameera.
Hunda caala muuxannoo qabsoo fi jaarmayaa waliif qooduun qabsoo bilisummaa fi dimokiraasii biyya keessatti gaggeeffamaa jiru attamiin gargaaruu akka danda’anii fi tumsa taasisan attamiin waliin qindeeffachuun akka danda’amu irratti xiyyeeffatanii akka hojjatan waliif galaniiru.
Aside
Ebla 2,2016 Mooraa Yuunibarsiitii Jimmaa Kitoo Furdisaa keessatti barruuleen warraaqsaa fi alaabaan Oromoo maxxanfamaa jira.
Godina Jimmaa Aanaa Omoon Naaddaa Keessatti Hojetaa Mootummaan ABO Waliin Hojjetta Sababa Jedhuun Dararaa Jiru
Aside
Ebla3,2026Hojjetoota Mootummaa sektaroota garaagaraarra jiran kan Godina Jimmaa Aanaa Omoon Naaddaatin hojjetan hojirraa ari’uuf akkasuma yeroo gara yerootti beeksisa garagaraa irratti baasuun Aanaa kana keessatti dubbbiin kan unutti kaatu yoo ta’e jalqabarratti namoota qabamuu qaban jechuun Hojjetoota baay’inaan 49 Ta’an irratti Maqaa baasuun Godinaaf dabarsanii akka jiran Walii isaanii gidduutii icciitiin baatee nii addeessa
Kunneenis Hojjettoota mana Murtii,Hojjettoota Buufata Fayyaa,Hojjettoota Maamadaa,Hojjettoota Galii,Hojjettoota IMX,Hojjettoota Waldaa Gamtaa,Barsiisota yoo ta’an yakka tokkoon alatti too haawwasi asii nutti dammaqe jarreen kan a dammaqsa sababa jedhuun hojirraa ari’uuf adaba itti heddumessuun rakkisaa jiran.akkasuma kaan isaanii hojii dhaabanii Aanaa sana gadi lakkisanii deemaa jiraachuu dubbatamaa jira
Kanneen haalli bulchiinsichaaf hojiin inni ittiin eebbifameef dalagaan isaan ajajan liqimfamuufii dide hojii lakkisanii deeman keessa Charinat Gaaddisa isa tokko yoo ta’u haalli achitti taasifama jiruu akkasuma ganamaa galgala security eegumsi yoo itti heddummatu hojii lakkise ba’eera.
QEERROO