Ibsa Qeerroo Bilisummaa Oromoo Godina Dhihaa Oromiyaa

Duguugginsaa sanyii (Genocide ) Oromiyaa keessaatti Ummataa Oromoo irraatti gaggeeffamaa jiruuf mootummaan nannoo Oromiyaa fi Federalaa Wayyaanee adda durummaan itti faafatamummaa jalaa hin bahan.

Oromiyaa keessaatti yeroo irraa gara yerootti duulli duguuginsa sanyii mootummaan Wayyaanee U/Oromoo irraatti fudhachaa jiru jabaatee itti fufaa jira. Hagayyaa 3/2013 Godina Arsii Lixaa aanaa Kofalee fi nannoo sanatti uummata Oromoo nagaa hordoftoota amantaa Muslima gaaffii mirgaa karaa nagaa waggaa lamaa oliif gaaffaachaa jiruu irraatti humna ittisa biyyaa waraana bobbaasuun yakkii ajjeechaa ilmaan Oromoo namoota 20 ol irraatti raawwatee jira, ajjeechaa jumlaa Ummataa Oromoo nagaa irraatti gaggeeffaamaa jiruuf itti gaafatamaan mootummaa nannoo Oromiyaa ofiin jedhuu fi mootummaa Federaalaa Wayyaanee EPRDF ta’uu Qeerroon ibsa ajjeechaa jumlaa ummataa Oromoo Godina Arsii Lixaa Aanaa Kofaleetti waranaa Mootummaa EPRDF’n fudhatame ilaalchisuun baaseen hubachiisee jira. Mallattoo mootummotaa abbootii irree keessaa inni guddaan uummataa isaaniin mormu humna waraanaa of harkaa qaban itti bobbaasuun kallaattiin dhukaasaanii ajjeessuudha, mormitotaa sirna isaanii dhabamsiisuu dha, kanaaf Ethiopia keessaatti Minilik, Hayilee Sillaasee, Darguu,fi mootummaa EPRDF Wayyaaneen ammaa angoo biyyattii afaan qawween dhuunfatee jiruu fakkeenyaa gaariidha.

Keessaattuu ajjeechaa suukkaaneessaa Hagayyaa 3/2013 Godina Arsii Lixaa aanaa Kofalee fi nannoo isheetti uummata Oromoo nagaa hordoftoota amantaa Muslima gaaffii mirgaa karaa nagaa gaaffaachaa jiruu irraatti humna ittisa biyyaa waraanaa bobbaasuun ummataa meeshaa maleeyyiitti waranaa bobbasuun ajjeechaa jumlaa uummataa keenyaa irraatti raawwatameef mootummaan nannoo Oromiyaa fi Federalaa wayyaanee itti gaafatamuu qabu. uummaanni kumatti lakka’amuu jumlaan mana hidhaatti darbamee jira. keessaattuu mootummaan nannoo Oromiyaa namoota sadii qofatu du’ee jedhee karaa foddaa TV isaa amanee, kaan haalee jiraachuun itti gaafatama jalaa kan isaan hin baasnee ta’uu ni hubachiifna.

Guutummaan ibsa kanaa:- Ibsa Qeerroo Godina Dhiha Oromiyaa Hagayya 2013

http://youtu.be/8vtGIdnaYMY

Hagayya 07,2013 Fiichee

Ayyaanni Chambalaalaa Fiichee uummata Sidaamaan kabajamu diddaa uummataa harkisee mootummaa Wayyaanee dhiphise.Mootummaan Wayyaanee sabaa fi sablammii impaayera Itoophiyaa keessaa irratti dhiibbaa garaa garaa gaggeessaa kan ture sabni cunqurfamaa Ayyaana kana irratti dura dhaabbachuun gaaffiilee mirgaa garaa garaa dhiyeessanii jiran.Gaaffiiwwan mirgaa mootummaan wayyaanee abbaa irree waan taheef aangoo irraa haa buu,Kibbi kallattiidha malee uummata hin ibsu kanaaf Sidaamaan naannoo of dandeesse dha,Hidhamtootni siyaasaa haa hiikamanii fi kkf dhaadachuun mootummaa wayyaanee dhiphisanii jiran.Dargaggootni sidaamaa waraqaa dhaadannoo fi waamichaa galgala irraa kaasuun magaala hawaasaa fi bakkeewwan garaa garaatti kan bittinsan yoommuu tahu,uummatni haamileen mirga isaa akka gaafatu taasifamee jira.Mootummaa wayyaanees gocha kanaan kan baarage waraana hedduumminaan bobbaasuun dargaggoota mana hidhaatti guuree ukkaamsee jira.Dargaggootni sidaamaa

1. Dargaggoo Sintaayyoo Lankaamoo

2. Dargaggoo Amaaree Kamisoo

3. Dargaggoo Biraanuu Kifle

4. Dargaggoo Gaarradoo Hoomaa

5. Dargaggoo Dastaa Chucha

6. Dargaggoo Lammisoo Shuuraa

7. Dargaggoo Dassaaleny Alamuu

Kanneen jedhaman dargaggoota 40 ol waliin mana hidhaa keessatti ukkaamsamanii jiran.Mootummaan wayyaanee gaaffii mirgaa karaa hidhaa fi ajjeechaa kan dura dhaabbatu tahuu duruu hubanne waan taheef itti fufinsaan diddaa gaggeessina jechuun dargaggootni sidaamaa ibsanii jiran.

Hagayya 07,2013 Anfilloo
Qonnaan bultooti godina Qellem Aanaa Anfilloo keessaa heddumminaan mootummaa Wayyaaneen dirqisiifamanii qabeenyaa fi qe’ee isaanii irraa buqifamuu fi kanneen mirga falmatan ammoo guutummaatti hidhaatti geessuun dararaa akka jiran beekamaa dha. Namoonni hedduun qabeenya isamamanii fi buna baroota dheeraaf akakilii irraa hanga ilmaaniitti wal dhaalchisaa dhufan guutummaatti humna Wayyaaneen ciramee lafti isaanii alagaatti gurguramaa jira haala kanaan Oromooti bakkatti galan dhabuu fi ilmaan isaanii waan nyaachisan dhaban dhibee gara garaaf saaxilamaa akka jiran,bakka deeman dhabanii godaantee kallattii dhabde ta’aa jiru.

Haala kanaan baratooti Oromoo kolleejjii adda addaa irraa barataa turan boqonnaa yeroo gannaaf qe’ee fi maatii isaaniitti galan keessaa heddumminaan warraa fi qe’ee bakkaa dhabuu irraan dhukubaaf saaxilamanii bakkatti waldhaanaman dhabanii joonjeetti galanii akka jiran gabaasi qeerroo Anifilloo irraa addeessa. Kanneen kunis:-

1. Gurmeessaa Baalchaa-Dhalootaan Anfilloo ganda Garjeedaa

2. Alamuu Sirneessaa- Dhalootaan Anfilloo ganda Garjeedaa

3. Geetachoo Maammoo- Dhalootaan Anfilloo ganda Garjeedaa

4. Sh/Husseen Abdallaa- Dhalootaan Anfilloo ganda Alakuu Masaraa

Kan lubbuudhaan of ajjeesse ammoo

Taarikuu Maammoo dhalootaan Anfilloo ganda Suddii kan jedhamuudha.

Kan hedduu nama gaddisiisu qabeenyaa isaanii dhabanii sammuu isaaniis akkasuma lubbuu isaanis dhabani. Ammallee teenyee ija keenyaan hin ilaallu jechuun barattooti hedduun ona kana irraa bakka biraatti godaanaa jiran hedduu akka tahan gabaasaan ona kana irraa nugahee jiru addeessa.

Ibsa Adda Bilisummaa Oromoo

Tarkaanfiin Suukaneessaa Sirni Wayyaanee Godinaa Arsiitti Oromoota Musliima Irratti Fudhate Umrii Sirnichaa Gabaabsa Malee Hin Dheeressu

Sirni faashistii Wayyaanee mormii hawaasni Muslimaa Sagaleen keenya haa dhagahamu mata duree jedhuun waggoota lamaaf walitti aansee karaa nagaan geggeessaa jiru humnaan dhaamsuuf tarkaanfii gara jabinaa fudhachuu itti fufeera. Sambata dabre Hagayya 3, bara 2013 godinaa Arsii magaalota Kofalee fi naannoo isaa keessatti ummata karaa nagaan sagalee mormii dhageessise irratti humni waraanaa sirnichaa dhukaasa banuudhaan namoota kudhan aduu saafaatiin ajjeesuu fi kudhanoota madeessuun miidiyaalee idil addunyaa hedduu irratti gabaafameera. Namoonni dhibbaan lakkaawaman badii tokkoon maleetti guuramanii hidhaman. Hidhaan kun babalatee naannoo biraa illee shororkeessaa jira.

Sirni tarkaanfii gara jabinaa kana fudhate muslimoota karaa nagaadhaan hogganootni keenya hidhaman haa hiikamani, barsiisa amantii Ahbash jedhamu dirqiidhaan hin fudhannu jedhanii morman rukutee callisiisuuf jecha shororkeessitoota ittiin jedhee yakkuu irraa hin dhaabbanne. Dhimma amantii keessa akka fedhe harka naqachuu Wayyaanee waan mormaniif qofa shororkeessitoota kan jedhaman musliimonni biyyattii garuu, tarkaanfii shororkeessummaa sobaan itti yakkaman isaanii fudhatu takkaa hin argamne. Waggaa lama guutuuf mormiin geggeessaa turan karaa nagayaan gaaffii isaanii dhageessifachuu qofa ture. Kanas mootummoonni hedduu fi dhaabonni mirga namoomaa idil addunyaa ragaa bahaa jirani.

Mootummaan Wayyaanee humna sodaatu tokkoon shororkeessaa ittiin jedhee gara jabinaan rukutuun aadaadhuma isaa ti. Jireenya isaa guutuu mormitoota humna isaanii sodaatu, addatti ammoo Adda Bilisummaa Oromootiin shororkeessaa ittiin jechuun addunyaatti lallabachaa yoona gahe. Ammas sirni kun ummata Oromoo irraa hin deebine. Karaa gaaffii siyaasaatiin Oromoo irratti duuluun itti xiqqaannaan dhimma amantii keessaanis Oromoo addatti diinomsatee gara jabinaan rukuchaa jiraachuun isaa beekamuu qaba. Amma duras Onkoloolessa bara 2012 keessa bifuma wal fakkaatuun Kaaba Oromiyaa godinaa Walloo magaalaa Garbaa keessatti lammiilee Oromoo Muslima sobaan yakkee ajjeesuun isaa yaadannoo yeroo dhihoo ti. Hanga ammaatti tarkaanfiin golgaa amantiitiin ummata nagaa irratti fudhatame hundi isaa Oromiyaa keessa.

Addi Bilisummaa Oromoo tarkaanfii faashistummaa sirni Wayyaane godinaa Arsii keessatti ilmaan Oromoo qulqulluu sobaan yakkee ajjeesuu fi madeessuu fudhate gad jabeessee balaaleffata. Mootummaan farra ummatootaa fi farra amantii ummataa tahe kun yakkoota ajjeechaa hanga ammaatti lammiilee nagaa irratti fudhateefis guyyaa tokko seera duratti kan dhihaachuuf jiru tahuu yaadachiifna. Mootummaan mirgootni amantii kamiiyyuu heera kiyya keessatti kabajamaa dha ofiin jedhu baatii Ramadaanaa keessa dhiiga Muslimoota soomana irra jiranii jigsuu isaatiin sirna abaaramaa fi jibbamaa tahuu isaa caalaatti mirkaneeffate. Amantii ummata bulchaan jira ofiin jedhuuf gonkumaa kan ulfina hin qabne tahuu isaa dirreetti agarsiifate. Mootummaan kun Musliimota karaa nagaan qofa mirga amantii isaanii kabajsiisuuf falmachaa jiran dhiibee gara tarkaanfii humnaatti ceesisuuf dhiibbaan taasisaa jirus umriidhuma aangoo isaa gabaabsa malee hin dheeressu.

Injifannoo Ummata Oromoof!

Adda Bilisummaa Oromoo
Hagayya 5, bara 2013

P. O. Box 6973 Asmara, Eritrea | Tel 2911 153848 | www.OromoLiberationFront.org

Ibsa ABO ajjeechaa Muslimoota Godinaa Arsii irratti.pdf

Afaan Amaaraan dubbisuuf as tuqi:- OLF Press Release on Arsi Massacre.pdf

Firehiwot Guluma Tezera | August 3, 2013

Ethiopia is one of the world’s largest recipients of foreign development aid. It receives approximately US$3 billion in funds annually—more than a third of the country’s annual budget—from external donors. Indeed, Ethiopia is today the world’s second-largest recipient of total external assistance, after Indonesia and excluding wartime Iraq and Afghanistan.

Foreign donors insist that their support underwrites much-needed agricultural growth, food security, and other putatively non-political programs. However, the development aid flows through, and directly supports, a virtual one-party state with a deplorable human rights record. The regime practices include jailing and silencing critics and media, enacting laws to undermine human rights activity, and hobbling the political opposition.

Foreign aid-funded “capacity-building” programs to improve skills that would aid the country’s development are used by the government to indoctrinate school children in party ideology, intimidate teachers, and purge the civil service of people with independent political views.

The government has used donor-supported programs, salaries, and training opportunities as political weapons to control the population, punish dissent, and undermine political opponents. The Productive Safety Net Programme—a cash-for-work program for vulnerable populations is controlled by local officials who also can restrict its use to those who join the ruling party. Local officials deny those people who didn’t join access to seeds and fertilizer, agricultural land, credit, food aid, and other resources for development. Such politicization has a direct impact on the livelihoods of people for whom access to agricultural inputs is a matter of survival .The aid is used to encourage teachers and farmers to join the ruling party. Farmers denied access to agricultural assistance, micro-loans, seeds, and fertilizers because they did not support the ruling party.

Meanwhile, the World Bank’s Public Sector Capacity Building Programme, which is used to train civil servants, is simultaneously a vehicle for government officials to indoctrinate trainees on the ruling party’s ideology, and to target opposition supporters in the name of weeding out under-performing staff.

Read more:- article.docx