Gabaasa Ebla 5,2013 Mattuu

Godina Iluu Abbaa Booraatti Uummaannii Oromoo Ololaa maqaa siyaasaa dahoo godhatee, guyyaa dhalotaa OPDO waggaa 23ffaa kabajna jechuun OPDO’n uummataa gandootaa garaagaraa irraatti teessisuuf yaaliin godhamaa jiruu mormii uummataan fashaala’aa jira.

Ummaannis Siyaasaa Wayyaaneen karaa dhabaa jalee ishee OPDO ololaa jirtuu balaaleeffaachuun walga’ii Wayyaanonnii Aanaawwaan, akka Mattuu, Buree, Hurrummuu, Dhidheessaa, Cooraa, fi Baddaallee, kanneen jedhamaan keessaatti walga’ii dabbaalonnii gandotaa aanota kanneen irraatti gaggeessaa jirtuu irraatti Uuummaannii mormii kaasuun gaffiiwwaan mirgaa kaasuun biyyaa mirgii amantaa ,siyaasaa, mirgi ilma namaa fi Dimookiraasiin hin jirree keessaatti ofuumaa maqaa filaannootiin daldaluun olee bulee bu’aan isaa kufaatiidha jechuun Uuummaannii yaada kaasee walga’ii keessaan hin teenyuu duraa gaaffii mirgaa nuf deebisaa jechuun walga’ii OPDO mormuun ka’ani.

Ergamtootni diinaa OPDO’n sochii uummataa kanattii rifaachuun uummataan ilaalchaa ABOtu isin keessaa jira, isiin keessaas eenyuu ABO akka ta’ee ni beekna jechuun uummataa dorsiisaa jiraachuun beekame.

Haala kanaan ummanni ABO ta’uu keenyatti ni boonna,mirga Oromoof kan falmuun eenyummaa keenya ibsa malee kan nu farroomisu miti jechuun walgahii irraa guututti lagachuun gabaafame.

Wallee Ergaa Jabaa Qabu

Ebla 03,2013 Ejere

Gabaasaa Godina Shawaa Kaabaa Ona Ejeree har’a Ebla 03 irraa addeessuun armaan dura jireenyi nutti cime miindaan nuuf haa dabalamu jedhuun barsiisonni mana barumsaa qophaayinaa oan Ejeree irraa barsiisan dhimma miindaan dabalamuu waliin gaaffii barruudhaan dhiyeeffatan. Gaaffii kana dhiyeeffachuun isaa Bitootessa gaafa 18 ture jedhu,hanga har’aatti deebiin dhibuu irraan har’a ganama irraa ka’anii hojii dhaabuu isaanii beeksisan. Barattootni kutaa 11ffaa fi 12ffaa nutis gaaffiin barsiisota keenyaa mootummaa kana irraa hanga deebii argatutti barumsa hin barannu jedhanii barruu tamsaasan kan jedhu gabaasaan isaa addeessa.
Barsiisonni kun gaaffiin isaanii dhimma daballii mindaa haata’u iyyuu malee gaaffii mirga Oromoo kaan irraa gaaffiin akka walii galaatti mootummaa irratti waan kaasaniif Qeerroon tumsa barbaachisu gochuun mirgi ummatootaa akka kabajamuuf sochiii guddaa akka godhaa jiru gabaasaan Qeerroo adeessa.
Barsiisoti sabummaan ummatoota Kibba tahanii fi Amaara tahan sochii kana keessatti Qeerroo waliin akka hiriiranii jiranis gabaasi qeerroo ibsa.
Qabsoon itti fufa! Gabrummaan ni kufa!

Alagaa Garaa Hin Garsiisiinaa

Tokkummaa Malee Wal Hin Dhiigsiinaa

Osoo kuun loluu, kuun hin ciisiinaa

Waliif dirmadha,walittii hin eegiina!!

Ebala 03,2013 Jimmaa
Baratootaa Oromoo Yuunivarsiitii Jimmaa daran jabaachuun itti fufee jira, Mootummaan abbaa Irree Wayyaanees Miseensotaa OPDO baratootaa Oromoo ta’an Sochii warraaqsaa Qeerroon gaggeessaa jiruu keessaa harka qabduu jechuun baratootaa Oromoo yeroo dheeraadhaaf Wayyaanee waliin hojjechaa turan hidhaa jira, Haaluma kanaan Baratootni Oromoo miseensotni OPDO sadii hidhaman

Kanneen miseensummaa OPDO fudhatanii sochii warraaqsaa keessan harka qabdu jedhamanii mana hidhaa wajjiraa poolisii Magaalaa Jimmaa Awweetuutti galan keessaa tokko  Barataa Mul’ataa Hirkoo mummee barnotaa Afaan Oromoo waggaa 3ffaa kan keessaatti argama.

Barataa Mul’ataa Hirkoo waggaa 3 guutuu miseensaa OPDO itti gafatama ijaarsaa dhaabaa OPDO kan mummee barnotaa Afaan Oromoo waggaa 3ffaa ta’uudhaan tajaajilaa kan ture, yeroo ammaa kana mootummaan wayyaanee isiin nu keessaatti caasaa ABO ijaaraa jirtuu, sochii warraaqsaa Qeerroo keessaatti hirmaannaa gochaa jirtuu icciitii dhaaba keenyaa dabarsitanii qeerroof kennaa jirtuu isiin diinaa, FDG keessaatti hirmaatan jechuun mana hidhatti darbatamanii jiraachuu gabafameera.

Dabbaalloonnii Wayyaanee mooraa Yuunivarsiitii Jimmaa fi Magaalaa Jimmaa raafamaa guddaa keessaa seenuun guyyaa gaafa Ebla 1/2013 baratootaa Oromoo miseensotaa OPDO ta’aan Walga’ii atattamaa guyyaa keessaa galgala sa’aatii 11:00 irraatti Mana barumsaa Jireen Sadarkaa 2ffaatti waamuun, miseensonnii OPDO baratootni Oromoo walga’ii dabbaalotaa kana irraa qooda fudhaachuu diduun dabbaalotaa fi ergamtuu diinaa qaaneessaan, ergamtootni kun caasaan ABO miseensaa keenyaa keessaa galee jiraa jechuun raafama jiraachuu qeerroon godnichaa gabaase.

Gabaasaa godina addaa naannoo Finfinnee ona Akaakoo irraa ibsuun Bitootessa 31 barattoota kutaa 8ffaa keessaa nama sadii,kutaa 6ffaa keessaa nama 4 ergamtoota Wayyaaneen qabamanii hidhamuu fi gaaffii irraan gahaa jiraachuu gabaasaan addeessa. Kanaaf sababa kan tahe inni guddaan Bitootessa gaafa 28 waraqaan dhaadannoo mana barumsaa aanaa kanaa fi mana sagadaa amantaa ortodoksii Maariyaam jedhu cinatti “Gabroomuun Haa Dhaabbatu??,Wayyaaneen Kan Nu Bittu Hanga Yoomittii? jedhuu fi waraqaan adda addaa bittimfamee jira. kana irratti hundaa’ees uummanni mootummaaaf hin ajajamu kan jedhu kaabinoonni ona sanaa mootummaa qaama isaan olitti gabaasaa dhiyeeffataniiru. Gama Uummata keessaa nama shakkan dhabuu irraan shakkii isaanii yeroon kan wal qabateen barattota kanneen kan shakkaman akka qoratamaniif qabamanii mana hidhaatti qorrannaan irratti gaggeeffamaa jira. Barattootni kunis: 1.Shimallis Goobanaa barataa kutaa 8ffaa
2.Haayluu Jigsaa barataa kutaa 8ffaa
3.Naatinaa’el Amsaaluu barataa kutaa 8ffaa
4.Solomon Buzaayyoo barataa kutaa 6ffaa
5.Geetachoo barataa kutaa 6ffaa
6.Nabiyyuu Duulaa barataa kutaa 6ffaa
7.Tolinaa Baayisaa barataa ku9taa 6ffaa
Kan tahanii fi barataan tokko kan hafe maqaa isaa ammatti waan hin aragatiniif hambisnee jirra. Barattootni kun kaleessa irraa ka’anii naannoo jiran irraa funaanamanii jiraachuu isaanii gabaasaan addeessa.

Y.G. (2005)*

Namni ykn humni yk Biyyi tokko , Qabsoo gaaffii mirgaa wayita gaggeessu, bu’urri murannoo isaa mata duree har’aa kana ta’uu, kan haalu jira natti hin fakkaatu. Humni ykn namni ejjannoo kana irratti hin hundoofne, adeemsi isaa fixeensa ganamaatii. Namoonni ykn murni ykn dhaabni ejjannoo kana akka dhaadannottis itti hin gargaaramiin hin jiru. “HUNDA DURA BIYYAA FI UMMATA KIYYAAF!” sadarkaa addunyaattu jechuudha. Ejjannoo kanatu namni tokko murteeffatee Qabsoo saba isaatti akka makamu taasisa. Yk deeggaraa fi sagaleen ummata isaa akka dhaga’amuuf karaa gara garaa carraaqa. Ykn yaadaan ykn Dingdeen ykn bifa gara garaan akka carraaqu isa taasisa. Faallaa kanaa ejjannaan firii ol aanaa argamsiisu danda’u kun garuu waanuma rakasaa tokkon danqamu danda’a. Namni “hunda dura Biyyaa fi Ummata kiyyaaf ” jedhu tokko , gaafa waan dhuunfaa keessa fiduu eegalee , ejjannaan kabajaa Ummata biraa nama goonfachiisu kun, biyyeetti makamti. Abbaa sanas salphifti. Mata dureen kabajamaan kun, waanuma dhuunfaan summooftee, saba tokko ykn qabsoo saba tokko gaaga’uu dandeessi jechuudha. Kanatu umama namaa kumaantamaan dirree salphinaa hiriirse.

Biyyoonni gurguddanne jedhanii Addunyaa kana akka fedha isaanii hammacaa jiran hundi, Mata duree kana ejjannaa isaanii taasifatanii ,badhaaftootaa fi hundeessitoota Dimokiraasii of taasisan, ejjannaan isaanii kun isa kaan keessa akka hin jiraanneef irratti hojjatan. Biyyaa fi Ummata isaanii har’aa mitii, isa waggaa 200 booda dhufaniif jecha, isa kaan hiyyummaa fi sirna wal nyaachuu keessa akka jiraatan taasisu. Isaaniif sabni ykn dhaabni ykn Biyyi ejjannoo kana qabu, saamichaa fi ol aantummaa isaaniif yaaddoooodha waaaannn jedhaniif bara lakkaawwatanis haa ta’u irratti duulan. Adeemsa kana kan wallaalu jira natti hin fakkaatu. Adeemsi kun garuu kaleessa fageenyaan qabsoo keenya irrati baawuzaa ibsee nu tu’ataa turee, har’a ofitti nu makatee nu dhamaasuuf jedhaatii of eeggachuun gaariidhaa, Qabsoon Maanguddoonni keenya cichoomiinaan asiin ga’an kan har’aaf bu’uraa, inni har’aa ammo isa boriif hundeedhaa, inni borii isa hegareef firiidhaatii waan fageessinee ilaaluu qabnu har’a mata duree kana jalatti waliif dhaamuun dansaa ta’aa jedhee yaade.

HUNDA DURA , BIYYAA FI UMMATA KIYYAAF !!!!.docx