Muddee 22,2012

Godina Jimmaattii Poolisotni sirna Wayyaanee, Waraqaa Waamichaa FDG Qeerroon Godina Jimmaa keessatti uummataaf tamsasee jiruutti rifachuun akka Godinaatti walgaa’ii Poolisotaa hoggaantotaa komishinii Poolisii godina Jimmaatiin magaalaa Jimmaa mana barumsaa Jireen sadarkaa 2ffaa fi Piriipaaraatoorii keessaatti gaggeeffamaa jiruu irraatti Poolisonnii Oromummaa isaaniin amanaan ilaacha ABO qabdu, waraqaale FDG magaalotaa fi manneen barnootaa keessatti tamsaaa jiru tohachuu hin dandeenye, poolisoonni waan kana keessatti qooda qabdan ni jirtu jechuun doorsifamaa akka jiran gabaasi naannicha irraa nu gahe addeessa.

Mootummaan EPRDF muddama keessa seenuun pooliisotaa aanaa fi godinaalee Oromiyaa irraa jiraan osoo hin hafiin dhiphisaa jiraachuun gabaafamee jira. Karaa biraa gaggeesitoni walga’ichaas poolisoota godinaan akka jedhani itti dhadatanitti, yeroo ABO’n waraqaa nurraatti bittimsuu fi ummataaf baldhinaan raabsu kanatti isin poolisoonni mootummaa eeguuf mindaan isinii kafalamaa jiru maal eegaa akka jirtan mootummaan wallalee bitaa itti galee waan jiruuf poolisoota keessa kanneen ABO waliin hidhata qabdan ni jirtu jechuun dorsisaa akka turan madden keenya addeessu.

Kun kanaan osoo jiruu Qeerroon waraqaa wamichaa FDG garbummaa magaalaa Jimmaa fi Aanotaa Godinaa Jimmaa jala jiraan hundaa keessaattii maxxaansuu itti fufee jiraachuu Qeerroon godina kanaa beeksisu.

Muddee 22,2012 Mattuu

Gabaasi Qeerroo Mattuu irraa nu dhaqabe akka addeessutti Muddee 21,2012 baratootni University Mattuu guyyaa kana FDG kasuun Motummaa abbaa irree balaaleffaachaa jiru. Baratootni University Mattuu sirna barnootaa motummaa EPRDF haala kenninsaa qabxii baratootaa fi sirnaa bulchiinsaa mootummaa abbaa irree balaaleffaachuun hiriiraa mormii adeemsisaa jiru. Qabxiin baratotaa 90 fI isaa ol kan galmeessee ‘A’ kan argatu, 80-90 =B 60-70=C kan galmeessee qabxii kanaan murteessuun baratootaa hedduu University irraa arii’achuuf baratootaa miidhuun kan seeraa tumatan ta’uun hubatame, kana malees rakkoon nyaataa fi bishaan dhugaatii baratootaa University mattuu mudatee baratootni hedduun dhukkuba garaa kaasaan qabamanii baatii tokkoo oliif rakkaachaa erga turanii boodaa, FDG kun itti fufuun hubatamee jira.

Sirna abbaa irree kana balaaleffaachuun yeroo irraa gara yeroottii waammichaa[FDG] Qeerroon godinotaa Jimmaa fi Iluu Abbaa Booraa sirna bulchiinsaa mootummaa abbaa irree irraattii gaggeessaa jiruu hordofuun baratotni Oromoo dhabbiilee barnotaa garaagaraa FDG gaggeessuuttii seenaanii jiruu,kanumaa hordofuun baratootni University mattuu addaattii ammoo baratootaa Oromootiin FDG Moraa University Mattuu Keessaattii Qaanqeen Fincilaa Diddaa Garbummaa kunoo guyyaa Har’a Ifaan ifaatti hiriirrii mormii sirna Wayyaanee irraatti gaggeessuun egaalame.

Ammaa baratootni mooraa University keessaatti walittii qabamuun gaaffii isaanii bulchiinsaa mooraa University mattuuttii dhiyeeffaachaa jiruu. Mootummaan abbaa irree sochii hiriiraa mormii baratotni gaggeessaa jiran kanatti rifachuun humna waranaa konkolaataatti fe’ee garaa mooraa Yuniversitiitti guuraa jira.

Muddee 22,2012 Finfinnee

Godina Gujii aanaa Booree magaala Booree keessatti shirri mootummaa Wayyaanee uummata Sidaamaa fi Oromoo walitti buusuuf shire tokkummaa uummataan fashale.Mootummaan Wayyaanee tokkummaa fi gamtaa ilmaan Oromoo fi Sidaamaa qaban irraa sodaa guddan kan isa qabate yoommuu tahu uummata lameen walitti buusuuf shira guddaa hojjechuu irratti argama.Gaafa Guyyaa Mudde 18/2012 magaala Buree keessatti dhalata Oromoo kan tahe konkolaataan konkolaachisaa lammii sidaamaa taheen wayita rukkutamutti mootummaan Wayyaanee milishoota bobbaasuun kun maaliif tahuu dandaa?,Akkamiin tahuu dandaa?,Warreen Sidaamaa uummata Oromoo jibbanii malee kun waan tahu miti olola jedhu oofsisuun walitti buusuuf yaalii jabaa taasisee jira. Ilmaan Oromoo fi Sidaamaas nuyi tokkuma,Rakkoon keenyas rakkoo garbummaati malee dhimma walitti
buunuuf hin qabnu jechuun maanguddootaan dubbii fixatanii jiran.

Wayyaaneen yeroodhaa gara yerootti tokkummaa uummata biyyattii keessaa diiguuf uummata nagaa walitti buusaa kan ture yoommuu tahu godina Oromoo aanaa Nyangaatom keessaa beeylada 1000 ol saamaman uummata Oromoo Booranaa fi Gujiitu isin jalaa saame jechuun uummata lameen walitti buusuuf olola oofaa jira.Uummatni lameen walitti buinsa kamuu kan hin barbaanne yoommuu tahu beeyladoota kanneen uummata Keeniyaatu ceee fudhate yoo tahe malee uummatni Oromoo hin fudhanne jechuun mormaa jiru.Walumaa galatti shirri mootummaa Wayyaanee tokkummaa uummataan fashalaa kan jiruu fi uummatni shira Wayyaanee hubachuun nagaan akka jiraatan qeerroon dhaamsa kan dabarsuyoommuu tahu uummata Oromoo fi Beenishaangul Gumuz nagaan waliin yeroo dheeraaf jiraate wal waraansisaa turuun isaa ni yaadatama.

Muddee 21,2012 Finfinnee

Magaala Finfinnee keessatti rakkoon geejibaa uummata daran mudachuu irraan kan kae uummatni mufannaa ibsuu jalqabe.keessumaa wayita uummatni hojii seenuu fi hojiidhaa bahutti rakkoon geejibaa uumamuu irraan kae yoommuu tahu kantiibaa magaal a Finfinnee Obbo Kumaa Dammaqsaa irratti uummatni himannaa fi komii duraanuu qaban caalaatti jabeessee jira.Mootummaan Wayyaanee karoora waggaa shaniif baase keessaa karaa fi geejibni keessatti adda durummaan kan hammataman yoommuu tahu karaan magaala Finfinnee keessaa kan qotame malee kan hojjetame dhibuun uummata magaala Finfinnee biratti gaaffii jabduu kaasee akka jiru ifa galaa dha.

Mootummaan Wayyaanee ololaan uummata biyyattii bulchuu kan bare amma itti fufuu jiraattotni magaala Finfinnee ibsanii jiran.Jiraattotni magaala Finfinnee wayita hojii deemanii fi hojiidhaa galanitti rakkoon taaksii dhabuu ykn humnaa ol kaffaluu isaan mudhachaa jira.Wayita hojii galanitti ammoo rakkoo geejibaan yoo barfatan Wayyaaneen isin ilaalcha addaa qabdu,Kaayyoo Mallasaa fiixaan baasuuf hin hojjettan jechuun qorannoon rakkisaa jira.Yeroodhaa gara yerootti rakkoon uummata biyyattii irratti gama bulchinsa abbaa irrummaa mootummaa Wayyaaneen gaggeeffamaa kan jiru yoommuu tahu yeroo ammaa kana uummatni ifaan yaada isaa fi mufannaa ibsachaa jira.Qaalainsa jireenyaa biyyattii keessatti uummata rakkisaa jiru irratti gatiin geejibaa fi hanqinaa uummata dhaqqabuun rakkoo irratti rakkoo tahee jira.Gaaffii uummatni gaafachaa jiruufis EPRDF
Wayyaanee gurra dhorkachaa jira.Uummatnis gaaffii mirgaa baajata karaa fi geejibaaf bahe eessa akka dhaqee fi bulchinsi magaalaa dhimma kana hatattamaan akka xumuru baldhinaan gandoota adda addaa keessatti gaafachaa jira.Qaalainsi jireenyaa biyyattii keessaa uummata magaalaas rakkisaa kan jiru yoommuu tahu Zayita,sukkaara,kuduraalee fi muduraalee argachuuf karaa dheeraa deemaa kan jiranii fi gatii madaalawaa ol bitaa jiru.

Haala kana ilaalchisuun Qeerroon jiraataa magalaa Finfinnee haasofsisee jira caqassa

Muddee 20,2012 Gambeela

Mootummaan Wayyanee gaaffii barattoota Koollejjii Saayinsii fayyaa naannoo Gambeellaa Magaala Gambeellaa keessaa dhageettii dhorkachuun rakkoo fayyaa keessatti akka kufan taasise.Magaala Gambeellaa keessatti barattootni saayinsii fayyaa baayinaan 500 ol  yeroo ammaa yeroo ji’a tokkoo oliif rakkoo bishaan dhugaatiin rakkachaa jiru.Barattootni koollejjii gamtaan rakkoon isaanii akka hiikamu gaafatanis mootummaan Wayyaanee rakkoo isaanii kana dhageettii dhorkachuun dararn dhibee hamaaf akka saaxilaman taasisanii jiru.

Guyyaa kaleessaa  Muddee 19,2012 irraa kaasee barattootni Koollejjii kanaa rakkoo fayyaan rakkachuu irraa barnoota dhaabaa akka jiran Qeerroon naannoo kanaa gabaasee jira.Baajatni pirojektii kanaaf bahe malaammaltummaan akka dhume kan gabaafame yoommuu tahu mootummaan Wayyaanee yeroodhaa gara yerootti gibira uummata irraa funaanu dhimma misoomaaf osoo hin taane dhimma siyaasaaf oolchaa jiraachuun beekamaa dha.Yeroo ammaa kanas barattootni gaaffii kana gaafatan ija diinaan ilaalamaa akka jiran Qeerroon dabalee addeessee jira.

Muddee 20,2012 Dirree Daawaa

Qaalainsi jireenyaa biyyattii keessatti uummata rakkisaa jiru yeroodhaa gara yerootti hammaachaa deemee jira.Mootummaan Wayyaanee gibira humnaa ol uummata irraa funaanu dhimma siyaasaa ittiin gaggeessuu irraan darbee yeroo miindaan hojjettoota mootummaaf kaffalu baayee gad aanaa dha.Gaaffiin dabalinsa miindaa fi gibira madaalawaa kaffaluu yeroodhaa gara yerootti gaafatamaa dhufuun yeroo ammaa kana jabaachaa dhufee jira.

Yuunivarsiitii Dirree Dawaa keessatti barsiisotni Engineering fi Technolgy baayinaan 30 ol tahan gaaffii dabalinsa miindaa gaafatan.Gaaffii isaaniis gamtaan Pirezedaantii Yuunivarsiitichaatti kan beeksisan yoommuu tahu deebii hatattamaa guyyaa shaman kana
keessatti hin argannu taanaan hojii dhaabna jechuun beeksisanii jiran.Mooraa Yuunivarsiitii Dirree Dawaa keessatti hojjettootni mootummaa marti gaaffiin gaafatame gaaffii mirgaa fi nuyis cinaa dhaabbanna jedhanii jiran.Mootummaan wayyaanees gaaffii mirgaa hojjettootni gaafatan irraan kan baarage hojjettoota amalaan qabachuu yaalus nuyi waan itti jiraannu dhabne jechuun hojjettootni diddaa jabeessanii jiran.

Haaluma wal fakkaatuun Yuunivarsiitii Dirree Dawaa keessatti diddaan barattootaa dhalate.Mootummaan wayyaanee yeroodhaa gara yerootti baajata dhimma barnootaaf ramadamu hojii siyaasaaf oolchuu waan jabeesseef barattootni gamtaan gaaffii gaafatanii jiran.Baajatni nyaataa ramadamu dhimma siyaasaaf ooluu hin qabu,Nyaatni barattootaa qulqullummaa kan eeggate tahuu qaba jechuun gaafatanii jiran.Rakkoo wal fakkaataan barattoota Yuunivarsiitii Mattuu,Debre Markos,Amboo,Jimmaa fi Yuunivarsiitii Aksum mudatee waan jiruuf gaaffiin mirgaa itti fufee jira.Mootummaan Wayyaanees gaaffiiwwan
mirgaa gaafataman dura dhaabbachuu dadhabuun humna waraanaa fayyadamuun ukkaamsaa jira.