Muddee 26,012 Mattuu

Godina Iluu abbaa booraa aanaa Cooraa keessatti diddaan uummataa itti
fufe.Mootummaan Wayyaanee yeroodhaa gara yerootti ilmaan Oromoo mana
hidhaatti guuraa kan ture yoommuu tahu yeroo ammaa kanas dargaggoota
hojii dhabdummaan rakkachaa jiran isin miseensa ABOti,Qeerroo nurratti
ijaaraa jirtu jechuun mana hidhaatti guuraa jira.Dargaggoowwan
1.Balaay Fayyeeraa Jimmaa yuunivarsiitii irraa kan eebbifamee fi
2.Siraaj Mohaammed Hawaasaa yuuivarsiitii irraa kan eebbifame
mootummaa wayyaaneen yakkamuun yeroo ammaa mana hidhaa mootummaa
Wayyaaneetti darbatamanii jiru.Wayyaaneen yeroodhaa yerootti ilmaan
Oromoo mana hidhaatti guuruu ni mormina jechuun uummatni walgahii
mootummaa Wayyaanee lagachuun mirga keenya barbaadna jechuun falma
eegalee jira.Wayyaaneen olola sobaa gaggeessuun uummata biyyattii
keessaa humnaan bulchaa kan jiru dargaggootni aanaa Cooraa mormuun
waraqaalee dhaadannoo qalama diimaa magariisa diimaan barreessuun
bakkeewwan hedduutti maxxansanii jiru.Dhaasannooowwan
a) Hidhaan haa dhaabbatu!
B) Garboomfataan ni kufa
c)Wayyaaneen nu hin bulchu
jedhan hedduumminaan maxxanfamuun mootummaa Wayyaanee dargaggootni
balaaleffatanii jiru.

Merry Christmas!!

We Wish you and those around you a very merry Christmas and May the light of the holiday season shine brightly in your heart!
Its The Most Wonderful [Giveaway] Time Of The Year! Use this Opportunity to Support Human Rights!

Merry Christmas Wish.doc

Y.G(2005)

Walii galan, alaa galan!! Mammaaksii kun Ijoollee kaasee hanga Maanguddootti, beekaa hanga wallaalaatti, Firaa hanga halagaatti hiikkaa ifa tae akka laatuuf hin shakku.Mana keessa Nagaan dhibnaan , tarkaafiin jalqabaa mana keessaa bauudha.bakka yaada itti cabsatan barbaaddatu. Yoo Biyya keessaa roorroonis tauu waan biraan baan , alaa galuuf yoo xiqqaate, sammuu ofiin walii galuutu murteessaa taa. Mammaaksi kun hiikkaa tokkollee odoo hin laanneefii ykn ibsa tokkollee osoo hin barbaanneefi hiikkaa qulqulluu qaba.

Kun Biyya alaa kan jiruf qofaa miti kan mammaakamee . Kan Biyya isaa keessa taaee , Biyya isaaf keessummaa taes ni dabalata. kan eessayyuu jiru , Mana isaa keessatti deebiee nagaan jiraachuuf , walii galuun barbaachisaa tauu akka hiikkaa isaa tokkoffaatti yoo fudhanne, walii galuu keessaan humna qabaachuu fi kan hin galtu nuun jedhu illee ittin injifachuu akka dandeenyu nu akeeka. Faallaa kanaa yoo yaaduun barbaachises, Mana ofitti akka hin deebineef walii galuun akka nu irra hin jiraanne diinni nu irratti hojjachuu akka dandau ilaaluu dandeenya.

Alaa galuun murtiidha. Ega murtii taee , walii galuun waan murame jechuudha. Walii galuun ega baraachisaa tae ammoo , waan walii nu galchu irratti hojjachuun murteessaadha, waan wal-nu taasisu irra gauuf ammo , waan wal nu taasisu irratti walii galuun hundee taa. kana jechuun yoo kan ummata keenyaaf jennee wal dhabnu taane, ummata keenyaaf jennee waan wal nu taasisu adda baafannee , irratti hojjannee alaa galuun dirqii taa. waggaa 15 dura , Maanguddoo Booranaa Umamaan hayyooman, waan naaf ibsan asi irratti haa kaasu. Maanguddoon kun barnoota tokkollee hin qaban. Garuu beekumsa nama wal taasisee alaa nama galchu hedduu beekan.

WALII GALAN, ALAA GALAN !!!.docx

Goota Bara Baraaf  Yaadatamu EBBISAA ADUUNYAA

Muddee 25,2012 D.Doolloo

Godina Wallaggaa , aanaa Shebel fi lafa gammoojjii Meeraa jedhamee beekamu keessa WBOn sochii gochaa jira sabababa jedhuun humni waraana Wayyaanee heddumminaan naannoo Shebel qubachaa jiraachuu gabaasi Qeerroo naannicha irraa nu dhaqabe addeessa.

Gabaasi guyyaa kaleessaa addeessaa jiru gandoota Ashii,Shebel,Yattii fi Doollaa uummata jiraataan guyyaa 16f walgayii yaamamee hanga kana ummanni gara owuuruu isaa akka hin deemnee fi lafa walgahii yaamametti argamuu akka qabu diramaa jiraachuun ummaticha gara diddaa fi fincilaatti isa geessaa akka jiru hubatame. Dabalata gandoota kana keessa hidhataan Wayyaanee dhaa ganda tokko keessatti hidhataa hamma 150 oliitti ramadeetu jira kana malees bosona naannoo Yaanqii jedhamu keessa waraanni Wayyaanee buufatee uummanni qabeenya qabuu fi buna funaannatu dhiisee walgahii mootummaan yaame akka daqu dirqaa jira.

Waraana wayyaanee waliin taee kan walgahicha zoonicha irratti qindeessu nama maqaan P/Israael Fayyisaa jedhamu yeroo tau namni kun sababaa mishoomaa fi ABOn naannicha keessa sossoaa jira jedhuun duula jabaa godhee ummata hiraarsuu fi basaasuutti kan bobbae tauu beekama.

Gabaasaan haala kana ilaalu baldhaa waan taeef gara fuula duraa gabaafama.

Muddee 24,2012 Mattuu

Gabaasaa Mattuu: Muddee 22/2012  FDG mooraa Yuunivarsiitii Mattuu bifa qindaa’een jabaatee kan itti fufee ta’uun gabaafamee,Baratootni Oromoo fi baratotni mooraa yuunivarsiitii Mattuu irraa barachaa jiran sirna barnotaa kan lammiilee biyyatii midhuu kan EPRDF’n gaggeeffaama jiruu mormuun FDG kaasuun mootummaa abbaa irree EPRDF balaaleffaachuu itti fufaan.Haaluma kanaan baratootni gaaffii isaanii keessaattii sirni EPRDF abbaa irree dha, sirni kun hundeen jijjiramuu qaba, sirna barnotaa sirnii kun ittin lammilee biyyatii midhaa jiruu ni balaleffaanna, hin fudhannu, sirni kun sirna fallaa dimookiraasii dhaabbatee, ani dimookiraatawwadha ofiin jedhuu waan ta’eef  ololli maqaa dimokiraasiitiin ofaamuu sirni kun dhaabuu qaba jechuun gaaffiin baratotaa irraa hoggantotaa mooraa Yuunivarsiitii Mattuuf dhiyaate, qaamni ol aanuu dhufee deebii akka itti kennuu tasifna jechuun baratootaa sossobuuf yaalaan illee hangaa gaffiin keenyaa deebii hin argannettii nuti hin barannuu jechuun baratootnii diddaa isaanii cimsan.

Kana malees baratotni mooraa yuuniversitii Mattuu kun rakkinaa nyaataa gahaa fi qulqullinaa qabuu dhabuun dhukkubotaa garaa kaasaatiin qabamanii rakkoo hamtuu keessaa kan jiraan ibsuun du’aa boodaa jireenyii keenyaa maaliidhaa jechuun mirgaa keenyaa fi mirgaa saba keenyaaf falmaannee abbaa irree of irraa buusuu qabna jechuun qeerroowwaan baraatotaa Oromoo sagalee mormii walittii fufinsaa qabuu dhageesisan,

Yeroo ammaa kana rakkinaa hamaa isaan mudatee jiruu irraa ka’uun baratootni yuunivarsitii Mattuu irraa barachaa turaan tokko tokko barnotaa dhiisaanii gara maatii isaaniittii deebii’aa jiraachuun beekamee jira. Kanaa biraan sirni abbaa irree Wayyaanee fi EPRDF’n gaggeeffamuu sochii baratootaa kanattii rifachuun humnaa waraanaa isaa garaa mooraa yuunivarsiitii mattuu nanneessuun egaa kan jiruu ta’uun gabaafamera, guutummaan magaalaa mattuus yeroo amma kana dirree waraanaa fakkaattee kan jirtuu ta’uun hubatame jira,

Muddee 23,2012 Finfinnee

Naannoo uummattoota Kibbaa magaala Hawaasaa keessatti diddaan uummataa itti fufuun mootummaan Wayyaanee lammiiwwan Sidaamaa fi ilmaan Oromoo adamsuu itti fufe.Mootummaan wayyaanee yeroodhaa gara yerootti impaayera biyyattii keessatti uummata gaaffii mirgaa gaafatu mana hidhaatti ukkaamsuu kan bare yeroo ammaa kana daran jabeessuun reebicha jabaa irraan gahee ukkaamsaa jira.Mudde 22/2012 kanneen mana hidhaa wayyaaneetti ukkaamsan keessaa

Yoommuu tahan kanneen mana hidhaatti ukkaamsamanii turanitti ammoo mootummaan wayyaanee himata irratti bane tureen mana murtii dharaa isaatti hidhaa jabaan adabee jira.

Murtiiwwan kennamanis

1. Obbo Araggaa Tasfaayeetti hidhaa waggaa 6

2. Obbo Shibbiquu Maganee hidhaa waggaa 5

3. Obbo Indiriyaas Guugaa hidhaa waggaa 6 fi walakkaan adabee jira.

Mootummaan wayyaanee jarreen kana bara darbe isin mootummaa irratti uummata ijaaraa jirtu jechuun raga sobaan akka tahes beekamee jira.Mootummaan wayyaanee dhiibbaa kamuu godhe mirga keenya falmachuu irraa kan nu dhaabu hin jiru jechuun Koreen gamtaa Sochii Dargaggoota Biyyoolessaa kan Bilisummaa fi Dimokiraasii(Qeerroo) fi Waldaan tokkummaa dargaggoota Sidaamaa ibsee jira.