Sadaasa 13,2012 Finfinnee

Mootummaa wayyaanee sadaasa 9 dhufaatii irraa kaasee cinqii keessa buee jira.Akeeka gootawwan keenya FDG keessatti wareegaman galmaan geessisuuf Qeerroon waraqaalee dhaadannoo kumaatamaan maxxansuun wayyaanee rifaatii guddaa keessa buusee jira.Dhaadannoowwan garaa garaa kanneen akka

1. Garboomfataaf harka hin laannu!

2. Sadaasni 9 bara baraan Guyyaa FDG tahee yaadatama

3. Akeeka gootawwan keenyaa galmaan geenya

4. Mootummaan wayyaanee garboomfataa dha

5. ABO gaachana ilmaan oromooti

6. Lama duuun salphina

7. Oromoo yeroon gaaffii bilisummaa amma!

8. Qabsaaaan ni kufa Qabsoon Itti fufa

9. Qeerroon wareegama kamuu baasee Oromiyaa bilisa baasa

10. Tokkummaan ilmaan oromoo shira wayyaaneen hin diigamu

Kanneen jedhaan Magaala Finfinnee Kutaalee magaalaa garaa garaa keessatti hedduumminaan maxxanfamuun waraanni mootummaa wayyaanee beeksisa mara buqqisuuf dirqamee jira.Garboomfataan mootummaa wayyaanee hanga aangoo irraa buuttii fi hidhamtootni siyaasaa hiikamuun Bilisummaan biyyaa fi Uummata Oromoo hanga Mirkanaau qabsoo keenya itti fufna jechuun qeerroon waraqaalee dhaadannoo kana maxxansee jira.Dhaabbiilee barnootaa gurguddaa kanneen akka Yuunivarsiitii Finfinnee Kiiloo6,Kiiloo5 fi 4 akkasumas Faculty Commerce fi Journalism and Communication,Yuunivarsiitii Finfinnee Damee Bishooftuu keessatti library fi kaaffee biratti akkasumas bakkeewwan beeksisni bahu maratti maxxanfamuun ilmaan oromoof waamicha garboomfataa wwayyaaneef dhiphuu tahanii jiran.Waraqaaleen dhaadannoo kun Koollejjiilee kanneen akka Rift Vaalii,Yunitii fi Yuunivarsiitii Koollejjii Kotebee keessattis maxxanfamanii jiran.

Haaluma wal fakkaatuun Qeerroon Adaamaa waraqaalee dhaadannoo kanneen Magaala Adaamaa,Koollejjiiwwan Adaamaa keessatti argamanii fi Yuunivarsiitii Adaamaa keessatti maxxansuun dabballootaa fi jala deemtota mootummaa wayyaanee dhiphisee jira.Bulchinsi Yuunivarsiitii Adaamaa bulchinsaan alaammaltummaa fi loogiin wal nyaachaa kan jiran yoommuu tahu kanneen kana hojjetu Ilmaan oromoo hojjettoota tahanii fi Waardiyoota halkan eegani jechuun kanneen ilmaan oromoo tahan qorannoo eegalee jira.

Qeerroon magaala Shaashimannee,Arjoo fi Jimmaa waraqaalee kanneen maxxansuun milishoota gandaa dhiphisanii Sadaasa 9 ilmaan oromoo biratti guyyaa kabajamaa fi bara baraan Guyyaa FDG tahee yaadatamu tahuu mulisanii jiran.

Magaala Amboo,Yuunivarsiitii Amboo manneen barnootaa gad aanaa fi Magaala Gudar,Geedoo keessattis Qeerroon waraqaalee Sadaasa 9 ibsanii fi mootummaa wayyaanee balaaleffatan maxxansanii jiran.

Oomisha Investeroota mootummaa wayyaanee waliin harka wal keessa naquun hojjetan birattis Alaabaan ABO fannifamuun waraqaaleen akeekkachiisaa fi dhaadannoo maxxanfamuun Investerootni yaaddoo guddaa keessa akka buan taasifamee wayyaanee dhiphisee jira.

Bilisummaan biyyaa fi Uummata Oromoo hanga mirkanaau Qeerroon qabsoo finiinaa jiru jabaatee akka itti fufu irbuu maqaa wareegamtoota FDG tiin haaromsuun ilmaan oromoo marti akeeka gootawwan keenyaa galmaan geessisnee walabummaa akka argannuuf akka kaatan jechuun dhaammata.

Sadaasa 13,2012 Ejeree

Godina Shawaa lixaa aanaa Ejeree Magaala Ejeree keessatti jala deemtotni mootummaa Wayyaanee ilmaan Oromoo manaa miseensota ABO jedhamuun yakkamuun hojii irraa ariiamuun doorsifamuu irratti argamu.Jala deemtotni Wayyaanee sabboontota kanneen Guyyaa FDG kabajjanii jirtu jechuun qoratamtu erga jedhanii booda miindaa isaanii erga dhorkatanii booda hojii dhorkanii jiran.Sabboontotni oromoo

1. Obbo Girmaa Araarsaa Gargaaraa Hakiima beeyladaa aanaa Ejeree

2. Obbo Abbabaa Giddiiraa gargaaraa Hakiima beeyladaa aanaa Ejeree

3. Obbo Dhaqqabaa Tafarraa Gargaaraa Hakiima Beeylaa

Kan tahan mootummaa wayyaaneen yakkamuun hojii irraa akka dhaabbatan godhamee jira.Mootummaan wayyaanee diddaa uummataa itti jabaachaa dhufe dura dhaabbachuuf wal gahii uummata yaamuun ololuuf yaaltus Ganda Hinaaftuu keessatti uummatni 500 akka wal gahii bahan karoorfame keessaa 30 gad kan tahanii fi isaanis milishoota dirqama diinaa fudhatan duwwaa akka tahe qeerroon naannoo kanaa gabaasee jira.Ilmaan oromoo walitti qabuun olola diinaa uummatatti labsuuf dirqama kan fudhate Jala deemaa mootummaa wayyaanee Obbo Girmaa Caakkaa itti gaafatamaa waldaa Gamtaa aanaa Ejeree ti.Namni kun dhuunfaa isaaf ilmaan oromoo garbummaa bara baraa jalatti hambisuuf kurkuraa jira.

Qabsoon itti fufa!Gabrummaan ni kufa!

SADAASNI 9 BARA BARAAN GUYYAA FDG TAHEE YAADATAMA!

Wareegamni qaqqaaliin bilisummaa Oromiyaa raggaasisuuf barattoota,barsiisota,daldaltoota,Qotee bultoota oromoo maraan kaffalamaa ture.Wareegamani gootawwan ilmaan oromoon kaffalaman hanga galiin isaa argamutti qeerroon wareegama kamuu baasee gaaffii mirgaa fi bilisummaa ni gaafata.Barattootni oromoo kanneen akka Gaaddisaa Hirphaasaa,Jaagamaa Badhaanee,Shibbiruu Damissee,Dirribee Jifaar,Mulaatuu Akkasaa,Alamaayyoo Garbaa gaaffii bilisummaa kaasuun diinaan xiiqii qabanii kan wareegaman keessaa muraasa yoommuu tahan bara baraan ilmaan oromoon yaadatamaa hafu.Fincilli diddaa Garbummaa 2005 irraa kaasee yaadatamaa kan jiru gootawwan qaqqaalii diina kuffiisanii kufan yaadachaa yoommuu tahu Yaadannoon waggaa 7ffaa kan bara 2012 Sochii Dargaggoota Biyyooleessaa Kan Bilisummaa fi Dimokiraasii(Qeerroo) dhaan Oromiyaa keessatti qophiilee garaa garaan yaadatamee jira.Guyyaan FDG sadaasa 9 jala bultii sadaasa 8 irraa kaasee haalaan kabajamee jira.Sabboontotni barattoota oromoo yuunivarsiitii Haramaayaa sadaasa 8,2012 hordoffii diinni guyyaa sadaasa 9 irratti gootu jalaa miliquuf ayyaaneffatanii jiru.Barattootni oromoo Muummee Afaan Oromoo baratan addatti guyyaa kana haalaan ilaaluun Ganda Booyyee jedhamtutti qophii jabaa qopheessuun ayyaanessanii jiran.Shira diinaa jalaa miliquufis Sabboontotni oromoo gariin Ganda Aleelee jedhamu deemuun uummata waliin ayyaanessanii jiran.Guyyaan kun guyyaa irbuu haaromfannu jechuun barattootni hawaasa oromootti makamuun marii jabaa godhanii jiran.Basaastotni yuunivarsiitii Haramaayaa keessatti guyyaan kun eenyuunii fi bakkatti ayyaaneffatamu jala haa buaniif diina irraa dirqama fudhatan tooftaa sabboontotni oromoo fayyadamaniin hojiin isaanii bishaan nyaatee abdii kutanii jiran.Basaasni mootummaa wayyaanee

1. Gammachuu Ukuluu Arsii irraa fi

2. Solomon Laggasee (Salaalee irraa )

jedhaman guyyaa kana irratti waan yuunivarsiitii keessatti tahu akka jala buaniif diina irraa dirqama fudhachuun erga barnoota xumuranii bahanii yuunivarsiitiitti deebiuun isaanii saaxilamee jira.Jarreen kun gocha farrummaa ilmaan oromoo irratti hojjetamu irraa hin dhaabbatan taanaan tarkaanfiin gatii isaanii madaalu akka isaan eeggatu Sabboontotni oromoo yuunivarsiitii Haramaayaa Ibsanii jiran.Jarreen kun tika diinaa mootummaa wayyaanee Kadir jedhamu waliin harka wal keessa naquun akka hojjetanis saaxilamee jira.

Haaluma wal fakkaatuun Barattoota Yuunivarsiitii Haramaayaa Damee saayinsii Fayyaa magaala Harar keessatti argamuun guyyaan FDG yaatamee jira.Barattootni Saayinsii Fayyaa guyyaa FDG sadaasa 9 yaadachuun kan oolan Dungoo diimaa magariisa diimaa ibsuunii fi alaabaa ABO fannisuuni.Barattootni kunneen barsiisota oromoo mana barnootaa gad aanaa fi Koollejjii rift vaalii irraa affeeruun waliin ayyaaneffatanii jiran.Barattoota yuunivarsiitii Haramaayaa Damee lamaanuu quba wal qabeenyaan Guyyaa FDG waliin ayyaaneffatanii jiran.

Waraqaaleen dhaadannoo

1. SADAASNI 9 BARA BARAAN GUYYAA FDG TAHEE YAADATAMA!

2. QEERROON WAREEGAMA KAMUU BAASEE OROMIYAA BILISA BAASA

3. OROMOO KAI YEROON GEESSE!

Jedhan yuunivarsiitii kana keessatti galma(Auditrium),Balbala yuunivarsiitii bakka beeksisni bahu,Koollejjii Veternary Medicine fi Koollejjii qonnaa(COA),Poolii Elektirikii magaala Haramaayaa,Awwadaayii fi Harar keessatti maxxanfamuun jala deemtotaa fi bulchinsa yuunivarsiitichaa yaaddoo guddaa keessa buusee jira.Poolisootni Federaalaa guyyaa kana waardiyoota dallaa qabachuun waraqaalee dhaadannoo kana funaanuuf olii fi gadi fiigaa turuun balbala yuunivarsiitii irrattis sakattainsaan barattoota hiraarsanii jiran.Gaaffiin mirgaa fi bilisummaa hanga galmaan gahutti qeerroon yuunivarsiitii Haramaayaa dirqama isaanii akka bahan guutummaan akka bahan irbuu seenuun qeerroo Oromiyaa maraafis dhaammata dabarsanii jiran.