“Bara Baraan Waraana Keessa Jiraachuu Irra Bilisummaa Keenyaaf Wareega Kaffaluuf Qabsoo Gaggeessine”  jedhanii waan filataniif Qeerroon Yakkamoota tahan jedha manni heera Feederaala Ethiopia.

Himannaa Mootummaan TPLF Qeerroo irratti dhiheesse keessaa tokko

Baatii Eblaa 2011 keessaa sochiin Dargaggoota biyyoolessaa kan bilisummaa fi dimokraasii(Qeerroon) qabsoo bilisummaa sabootaaf jedhee dhaabatee Oromiyaa guutuu keessatti sosso’aa jiraachuu aduunyaan beeka. Qabsoo murannoon eegalame kana karaa nagaa meeshaa tokkoon malee qeerroon mirga  bilisummaa fi dimokraasii waan gaafataa jirtuuf rasaasaan reebamuu fi kumaatamaan hidhaatti guuramuun kaan ammoo nyaata summaayaa nyaachifamuu kaanis biyyaa arihamuun irraan gahameera. Barattoota  fi hojjettoota maqaa Qeeerroon yakkamanii kumaatama hidhaman keessaa hanga ammaa kanneen dararaan guddaa irraan gahamee reefu mana murtee feederaalaatti dhihaatan keessaan kanneen armaa gadi  yakka hin jirreen mirgaaf qabsooftan jedhanii yakkaman.Yakka kanaafis raga namoota 15 itti yaamuu fi kanneen raga tahanii dhihaatan gariin isaanii biyya Kenya kan jiraatanii fi jireenyaan kan biyya keessa kan  hin taahe tahuu beekamaa dha. Maqaa ragaalee kanaa yoo isaan sobaan raga kana kan bahan tahe guutuu isaanii gara fuula duratti  qeerroon ni maxxansiti. Ragaalee sobaa  qeerrolee Oromoo irratti funaanuun dhaalota booruu qabsoo irraa dhaabuun wan hin dandayamneef ummati Oromoo fi aduunyaan yakka isaan itti himatama fuula tokko maxxansinee jirra.

1. Dachaasaa Wiirtuu Moosisaa , University Haromaayaa irraa
2. Geetuu Saqataa Roorroo ,University Finfinnee irraa
3. Dirribsaa Daamxee Jootee  , University  Finfinnee
4. Alamuu Tashoomee Beke   ,Dhiha Shawwaa Fantaallee matahaaraa irraa
5. Shaafii Se’id Wedaay Daadhii ,Harargee Mi’essoo irraa
6. Sileshii Soorii Malaakuu ,Harargee Harmaayaa irraa
7. Daagim Bekele Galata ,Wallaga Boojjii irraa
8. Eebbisaa Raatessaa ,Wallaga Horroo Guduruu irraa
9. Damee Zarihun Mulata ,Wallaga Dambi Dolloo irraa
10. Alamaayyoo Raggaasaa , godina Kibbaa irraa
11. Mirreessaa H/Iyyasuus Qananii, University Finfinnee irraa
12. Senaa Mararaa Birruu ,University Arbaminci irraa
13. Getacho Abara Toleera ,University Haromaya
14. Birhanu Immiruu Irranaa  ,Finfinnee ganda 08 irraa
15. Lalisaa Abdiisaa  Wallga ,Qeellam irraa
16. Abdiisaa Derejjee Amanuu  ,Wallaga Shaambu irraa
17. Jireenya Dessalenyi Rumichaa  ,Finfinnee Gullallee irraa
18. Derejjee Guutuu Qana’ii  ,University Jimmaa irraa
19. Abdiisaa Guddataa Luulaa,  University Madda Walabuu
20. Kabadee Beenyaa Hinseene , Jimmaa naannoo  Qersaa ganda Ginchaa irraa
21. Barsiisaa Lammii Dargoo ,University Haromaayaa irraa
22. Gurmeessaa Daammanaa Kumsaa ,Dhiha Shawwaa magaala Aamboo ganda 03 irraa

Dachaasaa Wiirtuu Moosisaa

Damee Zarihun Mulata

Mirreessaa H/Iyyasuus, Qananii

Senaa Mararaa Birruu

Dirribsaa Daamxee Jootee

Yeroo tahan Kana malees baatii Waxabajjii fi Aoolessa 2011 kana keessa  mooraa idhaa Ma’ikalaawwii  keessatti haala baay’ee rakkisaa fi suukkanneessaa keessaattii kanneen argaman

Girmaa Nagaasaa Waggaasaa

Dargaggoonni [qeerroon]Oromoo keessaa  barataa Girmaa Nagaasaa Waggaasaa Lixa Shaawwaa irraa qabamee hidhamee moraa maakalawii mana dukkana keessaatti hidhamee halkan nannoo sa’aa 7 fi 8 ttii guyyuu qoratamaa kan jiruu ta’uu hubatamera,Akkasumas barataa Ebbisaa Raatessaa mooruma Hidhaa kana keessatti haala sukkanneessaan dararamee qoratamaa akka jiru gabaasi Qeerroo mooraa Ma’ikelaawwii irraa gabaasa.

Qabsoon itti fufa! Gabroomsaan ni kufa!!

Isa Du’e Ajjeesuun jagna Nama hin jechisiisu! (Miidiyaa Itiyoophiyaa).

Walabummaan Labsii Miidiyaa fi Miidiyaan Itiyoophiyaaf, Itiyoophiyaa gidduu garagarummaan jiru ;Garaagarummaa Ifaa fi Dukkana,Guyyaa fi Halkanii,samii fi dachee, gidduu jiruu ol akkuma ta’etti jira.Kana duras Mirgi Labsii Miidiyaadhaa kabajamee hin beeku.Ammas yoo cabe hawaasi addunyaa reefuu waan dhaga’aniif haaraa isaaniti ta’e malee walabummaan miidiyaa Itiyoophiyaaf keessatti takkaa walabumaa qabaatee akka hin beekne seenaan midiyaa biyyichaa ni ibsa.

Gaazeexessitooti hedduun kan miidhiyaa biyyatti irraa hojjetanis tahe dhuunfaatti waldaa ijaratanii dhugaa biyyattii keessa jiru ibsuuf hojjetaa turan walabummaa dhabuun Hidhaa galanii jiru,kaan biyyaa arihamanii jiru. Kan yeroo dheeraa yoo dhiifne as dhihootti Dhaabbatooti Gaazexeexaa Dhuunfaa sadii:1ffaa.Awuraambaa Taayimsi,2ffaa.Fiittii fi 3ffaa.Addis Nagar  jeeqxotaa fi goolessitummaan yakkamanii  baqatanii biyyaa bahuu isaanii eeree akkan ture ni yaadatama.Amma immoo Abbaan Dhaabbata Gaazexaa Awuraambaa Taayimsi Obbo Wubisheet Tasfaayee jedhamu Humna waraanaa Muutummaa Wayaanee nama 7 ol ta’aniin qabamee harki isaa kaateenaadhaan hidhamee mannii fi Waajjirri Dhaabbata Gaazexaa Awuraambaa erga sakattaa’amee booda qabeenya Dhaabbatichaa wajjin fuudhamee bakka mana hidhaa maayikalaawwii jedhamutti hidhamuun maatiin isaa akka hin daawwanne dhorkameera.Kanuma irraa kan ka’e Gaazexeessitoota Dhaabbata Awuraambaa Taayimsi warri kaan sodaa du’aa fi jireenyaa keessa galanii waan godhan wallaalanii akka jiran haati manaa hidhamaa  fi Gaazexeessaa Wubisheet Tasfaayee Aadde  Biraanee Tasfaayee ibsa gaazexeessitootaaf laatteen dhaamteetti.Waa’ee gaazexeessaa hidhame kanaa ilaalchisee Daarikteerri Dhaabbata Gaazexaa Awuraambaa Taayimsi kan ammaa Obbo Daawwit Kabbadee haasawaa Sagalee Raadiyoo Amerikaa fi Miidiyaalee Addunyaa Biroo wajjin godhaniin ibsa kennanitti Mootummaan wayyaanee ’’ walabummaa labsii miidiyaa akka waan cabeetti ibse’’  jechuun baayyee aaranii baannananiiru.Garuu kan cabe labsiidhuma walabummaa gaazexeessitootaati malee waan addaa miti. Walabummaan waan hin jirreef cabe jechuun ibsuu dhiisuu danda’a.Isa sila iyyuu du’ee jirutu  irra deebi’ee du’e yoo jenne xiqqoo ishee itti Dhiyaata.Egaa Gaaffii fi Deebii Daawwit Kabbadee waajjin miidiyaaleen addunyaa godhan kana irratti akka ibsanitti hidhamaan kun jalbultii filannoo bara 2002(A.L.H) dura hojii gaazexaa kana irratti Kaadireen Mootummaa Wayyaanee Daarikteerri Olaanaan Abbaa Taayitaa Biroodkastii Itiyoophiyaa bilbilee hidhamaa kana waamuun ‘’Paartiilee Siyaasaa murtaa’oof akka Lissaaniitti tajaajilaa waan jirtuuf gatii kaffalta of eeggadhu’’ jedhanii erga doorsisanii gadi dhiisanii booda hidhamaan kun daarikteerummaa irraa gara Itti Aanaa Daarikteerummaatti gadi of buusee hanga guyyaa hidhamuutti hojjetaa turuun eerameera.Akkasitti torban tokkoo ol sababa qabameef utuu hin beeksisin turanii erga Sagaleen Raadiyoo Amerikaa fi Miidiyaaleen addunyaa biroon oduu isaa balballoomsanii fi Dhaabbati Mirga Gaazexeessitota addunyaa CPA n ‘’seera labsii mirga gaazexeessitootaa kan cabse waan ta’eef hatattamaan akka gadi dhiifamu ‘’jedhee mootummaa wayyaanee erga gaafatee booda mootummaan wayyaanee walumatti Gaazexeessaa kana dabalatee namoota sagal geggeessitoota Paartii Mormitootaa,Namoota Dhuunfaa fi Gaazexeessituu Gaazexaa Fiitii ,kan maqaan ishee Ri’iyoota Alamuu jedhamtu Waxabajjii 21 bara 2011 guyyaa gaafa facaasaa/hoji lammaffoo ganama sa’a 4 irratti humna waraanaa wayyaaneetiin qabamtee harkashee kaateenaan erga hidhanii booda manaa fi Waajjira Dhaabbata Gaazexaa Dhuunfaa Fiitii sakatta’uun meeshaalee maxxansaa,maxxansa hanga har’aa fi qabeenya Dhaabbatichaa waliin qabanii Mana hidhaa  Maayikalaawwiitti sababa hinbeekamneen kan hidhamte waliin walumatti namoota 9 hidhamanii jiru.

Kunuunsaa fi Eegaan Mirgaa fi Walabummaa Gaazexeessitoota Addunyaa CPA n ibsa gidduu kana baaseen  wanti gaazexeessitoota kanneen irratti akka seera walabummaa Addunyaatti Gaazexeessaan kam iyyuu  deemsa mana murtii dura hidhamuu fi gaafatamuu akka hin dandeenye eeree,wanti mootummaan wayyaanee raawwataa jiru  faallaa/farra labsii walabummaa miidiyaawwanii ta’uu isaaf gaazexeessaan kun hatattamaan akka gadi dhiifamu mootummaa Itiyoophiyaa gaafateera.CPAn dhimma kana ilaalchisee  kan inni waliin haasawaa godhe  kaadiree mootummaa wayyaanee kan ta’e Itti Aanaa Daarikteera Olaanaa Waajjira Dhimoota Kumiyunikeeshinii Mootummaa Shimallis Kamaal  ibsa kenneen soba dhugaa irraa akka dacheen samii irraa gadi fagaattu fagaatu ‘’biyya kana keessatti gaazexeessaan hidhame hinjiru,hidhamuus hinqabu,yoo kun ta’eera ta’es dogoggora ‘’jedhee ibseera.Garuu gaazexeessitooti hedduun hidhamuu fi kaan biyyaa arihamuun biyyi lafaa kan beekuu fi ammos namooni olitti tuqne hidhamuu isaa hawaasi addunyaa mana hidhaa keessatti ija isaaniin arganii miidiyaa isaaniin bira ga’anii argan gaazexeessaadhuma malee uumama kan biraa akka hin ta’in CPAn ragaadha.Isaan kana duraan dhoksanii utuu sababii hidhamaniif hin beeksisin turanii erga hawaasi addunyaa bira ga’ee gara itti dhoksan dhabanii booda torban kana Adoolessa 2011 eegalee ‘’namooti kun utuu isaan humna ibsaa fi Telee Itiyoophiyaa irratti balaa geessisuuf jedhanii bira geenyee qabanne malee hojii gaazexeessummaa fi siyaasaa waliin wal hinqabatu’’ jechuun sobaan miidiyaa mootummaa wayyaanee biyyattiitiin labsaa jira.

Walumaa gala mirgi gaazexxessuummaa fi gaazexoti Ethiopia keessaa ni eegama jechuun dhara. Qabsaawoti Oromoo hedduun rakkoo kanneen osoo jiruu sagalee ummata Oromoo dhageessisuuf jecha biyya keessatti bobaa diinaa jala ta’anii qabsoo osoo godhanii harka diinaa seenaa turan,gariin ammoo bakka bu’an hin beekamu. Warri sababa kanaan biyya irraa arihamanis ni jiru. Mootummaan Wayyaanee gaazexxessitoota hafnaan biyya Oromoo fi Ethiopia kaan guutuu Hidhaa keessa galchee waan jiruuf Hidhaa kana irraa saba biyya sanii baasuuf Qeerroon Oromootaa bakka hundatti wal gurmeessuun qabsaawaa jiraachuun abdii guddaa kan namaa kennu waan taheef jabaannee Akeeka kana bakkaan gahuun fimaata keenya.

Baatii Adoolessa kana keessas sararaan qeerroo http://www.qeerroo.com akka Oromiyaa keessatti hin banamneef tattaaffii mootummaan Ethiopia godheen qunamtiin isaa hedduu harkfataa jira,sanis tahu qeerroon sagalee isaa ummata Oromoo dhageessisuu dandayu mara akka mootummaan TPLF cufuu hin dandeenye dha

Qeerroo , Finfiinee irra

Adoolessa 07,2011

Gabaasa qeerroo, Adoolessa 05,2011 Adaamaa

Miseensonni dargaggoonni Oromoo humna Qeerroo Bakkalcha 1215 jalatti gurmoofnee jirru, Walgahii Jalqaba Adoolessa 2011 itti godhanne irratti hojiin qabsoo bilisummaa Oromoo biyya keessatti sagalee keenya dhageessisuun akkuma dargaggoota biyyoota biro mirga ummata Oromoo falmuuf jecha maree fi karoora bal’aa erga lafa kaayyannee booda murtii ejjennoo keenya akka kanaa gadiitti fudhannee kaane:-

Murtoo fi Ejjennoo:

1. Sochii mootummaan Wayyaanee Oromiyaa keessatti godhuu fi rorroo ummata Oromoo irran gahaa jiru dura dhabbannee qabsaawuuf murtii fi waadaa keenya haaromsine
2. Qabsoo bilisummaa Oromoo goototni Oromoo darban nu dhaalchisan galmaan gahuuf kutannee waadaa seeneerra
3. Uummata Oromoo olola diinaan gargar qoodamanii jiran ,harka Wayyaaneetii baasnee walitti deebisuun umurii mootummaa Wayyaanen kanaaan achitti karoorfatte gabaasuuf murteeffannee kaanee jirra.
4. Saamicha qabeeenyaa Oromiyaa fi lafa Oromoo irratti adeemsifamaa jiru dura dhabbachuun mirgaa fi  dirqama dhalootaa qabna.
5. Miidhaa fi ajjechaa qabsaa’otaa Oromoo irratti taasifaman jiru dura dhaabbannee gumaa lammii,Bilisummaa Uummataa fi walabummaa lafa keenyaa ni kabachiifna.
6. Barattoota maqaa sochii Qeerroo bilisummaan qabamanii yakki dharaa irratti dhihaate akka hatattamaan gadhiifamaniif irratti ni qabsoofna.
7. Dhuma irratti Fincila Diddaa Garbummaatti  uummata keenya kakasuun gara hiree isaa murteeffannatti akka hirmaatu ni goona irrattis ni hojjenna.
8. Sochiin dargaggoota biyyoolessaa kan bilisummaa fi dimokraasii osoo diinaaf hin jilbeefatiin,Hidhaa fi ajjeechaa akkasumas doorsisa summii nyaachisuun duubatti osoo hin deebi’iin ummata Oromoo galma bilisummaatti hanga geessu duubatti hin deebinu.
9. Wareegama barbaachisu baafnee ummataa Oromoof qabsaawuun waada keenya yoomiiti.

Qabsoon itti fufa !Gabaroomsaan ni kufa!

Injifannoon Ummata Oromoof!

  Qerroon baratee eessa irraa ka’ee garamitti?

Sabboonaa Qeerrootiin(Hawaasaa University)

 Rakko barnootan wal qabatee ka’uu ummata  osoo ofii hin baratiin ilmoo isaa barsiifatu gaaga’uu irra taree isuma barataa jiruu iyyu bitaa itti galuun isaa osoo hin hafiin barataan tokko sadarka kollejji erga xumuree booda hojitti ille akka hin bobbane taasifama jira.kanaf ammo fakkenyoota heddu kaasun ni danda’ama. Kanneen keessaa kollejjin teekinikaa fi ogumma fakkeenya tokko.

Armaan duraa ogumma kanan baratee kan ba’uu barataan tokko sadarka barnoota  10+3 jedhamun kan eebbifamu  ture.kana jechuun sadarka dippiloma yoo ta’uu kan amma garuu kanarra adda.akkuma konkolataaf sadarkaan kennamu barnootafis kennu n  level 1,level 2,level 3 fi level  4 jechuun maqaa itti geggeddera jiru.beeksisni yeroo amma ba’uu  level kan gaafatuu yoo ta’uu barataan yeroo  duraa 10+3 barnoota teekinika fi ogumma ebbifamef bakki tokko ille hin jiruu,..beeksifni hojiif isaa ilaallatus tokko illee bahaa  hin jiru.

Erga akkana ta’ee ilmii qotee bulaafi dafqaan bula gadadoo kessa jiratuu,..bor anaf maati koof dabarsaa jedhee baratee akkam ta’a? guddinii Ethiopia ykn ammo sadarkan barnoota fi qulqullina jedhame ummataatti dibbe reebun essa dhufee?

Qerroo kana hoo maaltu eggataa? Qerron dhimma kana maaf callise dhaggefata?

Iccitii COC kollejji fayya fi dhimma HOLASTIC EXAM barattota enjineringii ammoo bareefama itti aanu kessatti ilaalla

/Gabaasa Qeerroo, Adaamaa, Adoolessa 04,2011/ Mootummaan Wayyaanee ammas akkuma kana duraa gaafa guyyaa Adoolessa 02,2011 aduu sambata duraa barattoota mooraa keessa jiran nyaata summaa’e nyaachisuun gabaasame.

Qeerroon Adaamaa irraa akka gabaasett, barattooti nyaata summaa’e kana nyaatanii dhibeef saaxilaman kunnee irra guddaan isaanii kanneen barana eebbifamanii fi kaan ammoo qormaata xumuranii yeroo gannaatti maatii isaaniittii deebisuuf kanneen qophiitti jiranii dha.

Akka kanaan ammas yeroo lammataaf beekaa nyaata summiin makaa barattoota Oromoo fi saboota kaanii hamma tokko nyaachifamuun yeroo ammaa  Hosptala ciisanii kan jiran yoo ta’u, kaan isaanii immoo waldhaansa dhabanii rakkachaa akka jiran beekamee jira.

Cafeteria University Adaamaa barattooti keessatti summii nyaachifaman

Mootummaan Wayyaanee yeroo adda addaatti sochii barattoota Oromoo doomsuu fi of irraa ittisuuf jecha tooftaan inni itti dhimma bahu hidhuu, reebuu, doorsisuu, ajjeesuu, biyyaa arihuu fi summii nyaachisuu dha.

Bara kana keessa barattooti Oromoo yeroo lama mooraa University Adamaa fi yeroo tokko mooraa University Arbaminc keessattis summii nyaataan makame nyaachifaman hanga har’aa gariin fayyaa dhabuun, kaan ammoo hanga ammaatti hosptala keessaa rakkachaa jiraachuun beekamu.

Kan dheengadda guyyaa sambata duraa mooraa University Adaamaatti tahes heddummina barattootaa waan miidhee jiruuf qaami mootummaa birmateefii tokko illee hin jiru.

Kaafteeriyaan mana nyaata barattootaaf kennamus guyyaa kaleessaa waraqaa CUFAMEERA( TASHIGUAL) jedhuun irratti maxxanfamee manni nyaata irraa nyaatan hin jiru. Barattooti hafan nyaata ala irraa bitatanii akka hin nyaanneef waraana Feederaalaan eegamuu caalaa iyyuu maallaqa ittiin of jiraachisan dhabuun dararaa keessa jiru.

tashigual(Cufameera) jedhanii Kaaffee irratti maxxansanii barataan nyaata dhabuu.

Diddaa barattoota Oromoo ykn Qeerroon itti fufiinsa qabaachuu isaa irraa kan ka’e ergamee bulaan Wayyaanee Junaddiin Saaddoo gochaan kana barattoota Oromoo irratti warra raawwachiisu keessaa isa hangafa tahuus hojjettootii mootummaa kanneen degertoota sochii qeerroo tahan ifatti dubbatu.

Haalli kun hanga har’aa kanaan cimee waan jiruuf Oromootiin bakka hunda jirtan barattoota Oromoo Adaamaa fi Oromiyaa jiran hunda cinaa dhabbattanii akka cunqursaa falman qeerroo Adaamaa dhaammatu.

Qabsoon itti fufa! Cunqursaan ni kufa!!

            Qerroon baratee eessa irraa ka’ee garamitti?

Sabboonaa Qeerrootiin(Hawaasaa University)

Waggoota digdamaam dibbeen mishoomaa fi guddina nutti tumamaa haabahu iyyuu malee mee Kan waggaa kaan dhiifnee kan waggaa Wagga 3 asitti wantaa ta’ee akkasumas ammo wagga kana qofaa barrnoota ilaalchisee adeemsa Ethiopia kessa jiruu haa tilmaamnu.

Karaa fodda televisiona isaanitiin humni nama baratee meeqa akka ta’ee Ethiopia kessa dhibbantan yeroo ka’an 90-97 giddu himuun kanuma barsiifamee fi gurra hawassa cufuu wantaa ta’eef kana dubbachun nuuf qaanidha.sirna  barnoota Ethiopia dhabbanna hin qabne yeroo ilaallu barnoota sadarka kutaa 10ffatti xumuruun erga eegalame kaase rakkolee gurguddan mudatanii jiru.fkn  barattotni heddun kutaa 10ffatti kufaani yookin ammo garaa qoph’insatti hin darbin hafaan mallaqa isaanin ogumma akka barataanifi kollejjota qulqullina hin qabnefi meesha hanquu ta;an akka babal;atan taasisee.dubbif jenne malee kan mootumma isaa kamtuu qulqullina qaba yoo jenne garuu  deebiin keenya callisudha.

Qotee bulaan biyyatti jireenyi isaa harka garaa afaani ta’ee  ta’ee qotiyyo isaa cimdii qabuus ta’ee qeenxee gurguree ilmoo isaa barsiisuu itti fufee. Gatiin xaa’oo mataa isaa irra ba’ee milishan gandaa meesha warana baatee har’aaf bor irra dhaabatu jalaa ilmoon koo baratee na baasa jedhee  itti xaaruu itti fufee.haa ta’uu malee kasaara mootummafi abbotiin qabeenya waliin uumata irratti xaphataan kaasun salphadha.abban qabeenya kollejji qulqullina hin qabne  malammaltumman bane boors abbotii irree  mootumma wayyane furdisaa jira.ilmii qotee bulaa fi dafqaan bulaa garuu qarshii isaa gadii lolaasee ilmoo isaa barsiifate,..ilmoon isaa garuu har’aa hojii tokko ille dhabee bakka beeksifni maxxanfame maratti dookumentii isaa adda isaa irra kewwate aduu dhugaa oola.

Mootummaan Wayyaanee humni Ethiopia keessatti barate kan hin baratiin irra caalaa fi ummati Ethiopia harki 90-97% baratee jira kanaaf mishoomaa fi guddinni biyya san keessatti akka rookeetaa dhuka’aa jira haajedhu malee,guyyaa TV Wayyaanee irratti lallabamaa jiru kana namoota biyya Ethiopia keessatti baratanii jireenya dhabuun karaa irra bulanii fi kanneen karaa irra rakkina isaanii baadhatanii deemaa jiran akka fakkeenyaatti suuraa isaanii walakkaa magaalaa Adaamaa keessa kaafnee kana waliin maxxansinee jirra.

Barnoota Ethiopia fi hegeree namaa

Inni rakkoo fi gidiraa argee ilmaan qotee bulaa Oromoo iyyuu barateee hojii fi mindaa dhabuun karaa irra deemee kadhata,bakka bultii dhabee ala gala.Yoo miseensa ergamee bultootaa hin tahiin biyyatti keessa jiraachuu fi hojjechuu hin dandayu. Ummanni kaan ammoo barnooti haahafuu midhaan nyaatee bulu hin qabu. Mootummaan TPLF isa kamiin akka Ethiopia keessa namni baratee 90-97% jedhee akka lallabuu barbaade hin beeknu. Barattooti Oromoo Qeerroon barnoota isaanii fixan hojii dhabanii barandaa kanneen bulanii qabsoo saba isaanii itti xichaa jiran hedduu dha.Kaan ammoo osoo barnoota hin fixiin gara mana hidhaatti guuramanii deeman ifa gala dha. Dhihoo kana baatii Ebla 14,2011 dhalachuu Qeerroo irraa eegalee barattooti Oromoo hidhaman kumaatama tahu,kaan bakka buuteen isaanii hin beekamu.Kun hundi osoo jiruu humni barate guddate jedhanii yeroo lallaban nama hin raaju,amala Wayyaanee waan taheef.

Sabboonaa Qeerroo Hawaasaa irraa

/Odeessa Qeerroo Adaamaa, Adoolessa 2 bara 2011/ Sochii Dargaggoota Oromoo(Qeerrootti) kan baarage mootummaan Wayyaanee guyyaa har’aa Adoolessa 2,2011 barattoota University Adaamaa kanneen baranoota waggaa sadaffaa  baratan nyaata summaayaa nyaachisuu irraan kan ke’e barattooti 30 gara mana yaalaa guddaatti yeroo geeffaman barattooti kaan ammoo hanga ammaa mana yaalaa dhabuun doormii isaanii keessa ciisanii rakkachaa jiru.

Haalli kun barattoota irratti akka tahuuf deemu kan dursee beeku mootummaan TPLF waraana Feederaala jedhaman mooraa University keessatti heddumminaan qubachiisee barattooti hundi akka hin sochoonee fi gaaffii hin gaafanne humna qawween doorsisuu yaalaa jiru.

Sochiin Qeerroo bilisummaa yaaddoo itti tahee kan jiru Wayyaaneen ,yeroo ammaa kana barattoota bifa kamiinuu miidhuu fi barnoota irraa ar’uu kan saganteefate waan taheef Qeerroon Oromiyaa guutuu jiru gochaan Wayyaanee kun kanuma ummata Oromoo mara irra geessisaa jiru waan taheef qabsoo bilisummaa Oromoo irraa akka isaan hin dhaabnee fi wareegama barbaachisu kafaluun babummaa fi ukkaamsaa jalaa akka bahan murtii yeroo adda addaatti godhatan irratti ibsanii jiru.

Qabsoon itti fufa.Gabroomsaan ni kufa!

(Lubabaas Qeerrootiin)

 (Kutaa 3ffaa)

QABEENYA LAFAA, ALBUUDAA, WARSHAA, DACHEEN OROMIYAA YEROO AMMAA MAAL KEESSA JIRAA?

Tigiraay irraa kan hafe naannowwan hundumaa fi biyya Oromiyaa guutummaa keessatti lafti kan mootummaa (Koloneel Mallas) jedhamuun akka Mana jireenyaatiif lammii Tigiraay irraa kan hafe eenyuufuu akka hin kennamne erga dhorkamee waggoota lakkofsiseera. Yeroo ammaa lammiin biyya keenyaa wayyaanee irraa kan hafe mana keessa jiraatu hin qabu. Anii fi jaallewwan na fakkaatan Finfinnee keessaa miindaa keenya akkuma jirutti kiraa manaa qarshii 1000 fi isaa ol kaffallee jiraanna.Warri mana kireessu immoo wayyaanota. Yeroo ammaa isaan malee kan mana baayyinaan Finfinnee keessaa qabu hin jiru.

Finfinnee dabalatee kutaan biyya keenya Oromiyaa kamitti iyyuu lafi jireenyaaf waan hinkennamneef uummati keenya carraan isaa maal akka ta’u ofii isaatii iyyuu gaaffii keessa galeera. Maaliif hin kennamu jedhanii yoo kaadirootaa fi bitamtoota wayyaanee gaafatan, isaan ajaja koloneel jedhaa jedhe jedhu, innis malaammaltummaa wajjin waan wal qabatuuf hamma siistemii malaammaltummaa irra bilisa ta’e diriirsinutti qofa tura jedhu.

Amma mana jireenyaa akkamitti ijaarrachuun dandaa’amaree? Yoo mootummaa Wayyaanee irraa lafaa fi qarshii argatanii ijaarrachuu barbaadan maabaraan ijaaramanii (miseensa Dhaabbata Wayyaanee ADWI ta’uu qabu) qofadha.Yoo kanaa achii immoo warra qaala’ina jireenyaa irraa kan ka’e mana isaanii isa moofaa fi caccabaa gurgurachuu barbaadan irraa qarshii olaanaadhaan bitatanii ijaarrachuun ni dandaa’ama (Finfinnee keessatti jechuudha).

Albuudaan akka Warqee fi Kan kana fakkaatan kan  Yuubdoo fi Najjoo, Imina Baradii Mandii ,Albuudotni Godina Gujii, Albuudaan Bishaan Amboo, Warshaan Biiraa Beddellee fi kan biroon kan ani lakkaa’ee hin fixnee Inveesteroota Wayyaanee Tigiraayi, Bitamaa Wayyaanee Sheek Alaamuddin fi kubbaaniyoota biyyoota ambaatti gurguramaniiru.

Ammaa kaasee ‘strategy’ wayyaaneen Lafa Oromoo irra uummata ishee qabattee siistemii bittaa ishee baballifachuuf qabattee ifa gochuuf jettu immoo Magaalota Godinoota Oromiyaa kan Shawaa Bahaa Adaamaa, kan Shawaa Lixaa Amboo, Kan Shawaa Kibba Lixaa Walisoo, Kan Arsii Shaashhimannee, Kan Baalee Magaalaa Roobee, Kan Booranaa, kan Wallagga Bahaa Naqamtee, Kan Wallaggaa Lixaa Gimbii, Kan  Qellem Wallaggaa Dambi Doolloo, Kan Iluu Abbaa Boora Mattuu fi Beddellee, magaalota gurguddoo kanaa fi kan kana fakkaatan Magaalota Addaa Gochuun Federaala jala galchuun Ummata Wayyaanee Tigiraayi baayyinaan qubachiisuun yeroo gabaa Shaqaxa Filannoo Dimokiraatawaa jedhan sun dhufu itti fayyadamuuf akka ta’e ajaja Koloneel Mallas miseensota irratti gadi buusaa  jiran ta’uun bira gaa’ameera.

Yaa Qeerroo! amma kan waliif dhaamaa jirru, waan diinoti keenya godhan keessaa kan hubannee fi argine callaa dha. Dubbiin Oromiyaa dhimma guddaa irratti jabaannee hojjachuu qabnuu dha. Bakka jirrutti waan keessa jirru, waan ollaa keenya jiru, waan nu harka jiru, waan nutti dhufaa jiruu fi waantota dhimma keenya irratti dorgomtoota ta’an, kanneen keessaas ta’ee alaan beeknu malee ulee alagaan dhaanamuu jalaa hin baanu.

Dhimmi kun egaa baayyee bal’aadha waan ta’eef yeroo biraa ballinaan ibsa.  Qabsoon shiroota Golee  diinaa saaxilanis itti fufa.

Kutaa 1ffaa

Kutaa 2ffaa