Adoolessa 16/2017 Galgala keessaa sa’a 2:50 irraa eegalee Magaalaa Amboo Keessatti Dhukaasni cimaan kan waraana wayyaanee irraa uummatatti baname , gara naannoo Mooraa Yuunibarsiitii Amboottii Waraanni Wayyaanee dhukaasaa guddaa uummata sivilii irratti banuun dargaggoota Oromoo Lama Wareeguun Ibsame jira, Kanneen madeeffaman hanga gabasni kun nu gaheetti adda kan hin baanee ta’uu maddeen Qeerroo Magaalaa Amboo addeessaan. Magaalaan Amboo galgala kana caalaatti gara dirree waraanaatti waan jijjiiramte fakkaatti , gabaasaa dabalataan walitti deebina.
Kana malees daldaltooti magaalaa Gincii sirna Wayyaanee kana irra baachuu hin dandeenyu jechuun manneen nagadaa isaanii cufanii jiru. FXG amma bifa haaraan Oromiyaa keessatti eegale kun yeroo gabaabaatti akka guutuu Oromiyaa wal gahu Qeerroon addeessee jira.
Gidduugaleessaa Oromiyaa, Magaalaa Burraayyuu keessatti, sochiin Warraaqsaa Biyyoolessaa Oromiyaa FXG Daran Jabaachuun Mormiin dachaa sadii(3) oliin dabaluun, gibiraa fi Qaraxa adda addaa uummata akkam kan dheekkansiise yoo ta’uu, Qeerroon Oromoo Magaalaa Burraayyuu, roorroon uummata keenyarraa dhaabbachuu qaba jechuun, Burraayyuu, Kattaa fi Ashawaa Meedaa jedhamutti Sochii Warraaqsaa finiinsuun, konkolaataa fi Taaskiiwwaan ajajaa fi tajaajila mootummaa wayyaaneetiin socho’anii fi konkolaataa manaa kan abbaan qabeenyummaa isaanii kan aangawootaafi ergamtoota wayyaanee kanneen ta’an irratti Tarkaanfii fudhatanii jiru.