Barattootni Oromoo miseensota DH.D.U.O tahan Qeerroo waliin tahuun iyyannoo waajjira caffee Oromiyaa fi Pirezedaantii Oromiyaatti galchan.Mootummaan Wayyaanee yeroo ammaa kana daba daba caalu barattoota Oromoo irratti hojjechaa jiru mormuun iyyannoo galchanii jiran.Iyyannoon kun gaaffiiwwan mirgaa kan bilisummaa fi Dimokiraasii kan hammatan yoommuu tahan gaaffiiwwan mirgaa

1.    Hidhamtoota ilmaan oromoo badii tokko malee ukkaamsaman haa hiikama

2.    Dhiibbaan mootummaan yeroo gara yerootti ilmaan oromoo irratti dhiibbaa gaggeessu haa dhaabbatu3.    Arrabsoon ilmaan Oromoo haa dhaabbatu4.    Gaaffiiwwan mirgaa yeroodhaa yerootti gaafatan karaa nagaa nuuf haa deebi’an

5.    Biyya abbaa keenyaa irratti salphachuu fi hidhamuun nurraa haa dhaabbatu

6.    Barattoota oromoo waraanaa mootummaan ajjeefamanii fi kanneen miidhaman itti gaafatamummaa mootummaan haa fudhatu.

7.    Gocha daba kana kan tolche seeraan haa gaafatamu kanneen jedha

Kan hammate yoommuu tahu barattootni Oromoo gamtaan iyyannoo isaanii galchanii jiran.Mootummaan Wayyaanees tokkummaa ilmaan Oromoon kan baarage yeroo ammaa mooraa Yuunivarsiitii Finfinnee waraanaan tiksaa jira.Basaastotnii keessummaa dhalootaan Tigiree tahan yeroo ammaa kana mootummaa Wayyaaneen ramadamuun  mooraa Yuunivarsiitii Finfinnee keessatti hojii basaastummatti bobba’anii jiran.Barataa Girmaay Asrassee Abrihaa jedhamus sirna Wayyaaneen kaadhimamuun hojii diinummaa irratti bobba’ee akka jiru saaxilamee jira.Ilmaan Oromoo marti shira mootummaa Wayyaanee kana irraa akka of eegus qeerroon dhaamsa dabarfata.Wayyaaneen yeroodhaa yerootti gaaffii ilmaan oromoo dura dhaabbachuuf ilmaan oromoo mana hidhaatti guuraa turuunii fi itti jiraachuun isaa ifa akka saafaa yoommuu tahu,barattootni Oromoo gaaffii bilisummaa fi dimokiraasii gaafachuuf eeyyama eenyu illee akka hin gaafanne murtii  dhumaa dabarfatanii jiran.Shira mootummaa Wayyaanee kanaas dura dhaabbachuuf gumaatnii fi dirqamni ilmaan Oromoo mara irraa akka eegamu Qeerroon waamicha dabarsa.