1 thought on “Qeerroo: Abdii Oromiyaa”

1. Ilmaan oromtichaa~
   Booranaa- bareentichaa~
   Kan seeri dhadachaa~
   Hidhaa fi ajjeechaa~
   Dhukkuba saamichaa~
   Biyyarraa baqachaa~
   Wayyaanee sodaachaa~
   Jireenya hadhaawaa~
   Kan hinqabne dawaa~
   Daa’imni beelawaa~
   Dhukkubaan cittaawaa~
   Qaamaaniis dottaawaa~
   Furfuree, eetawaa
   Beeyladaa hanqannee~
   Guntuta ciramnee~
   Harka mogolamnee~
   Namaa gad mudannee~
   Wallaalaan dhaalamnee~
   Aadaa teenya dhabnee~
   Qabeenya saamamnee~
   Hidhatti guuramnee~
   Haadaan fannifamnee~
   Rasaasaan waadamnee~
   Nyaaphaafiis fe’amnee~
   Galata hinargannee~
   Oromoo salphannee~
   Homaa nutti hinhafnee~
   Jiraachuu dadhabnee~
   Wareegam baafnee~
   Duuti silaa hin’ooltuu~
   Sireerattiis taatuu~
   Lubbuun jalaa hinbaatuu~
   Aaddee cunqurfamtuu~
   Kaatee hinfalmattuu?
   Seenaan sin dagattuu~
   Yaa tuuta kannisaa~
   Qeeyroo onnee soorsaa~
   Yaa shanyii bilisaa~
   Barataa- barsiisaa!
   Manguddoo kaleessaa~
   Abbootiis kakaasaa~
   Hawwaniis hirirsaa~
   Nyaaphi isin dheeysaa~
   Ka’aa wal gurmeessaa~
   Irree teeysan cimsaa~
   Ilmaan qotee bulaa~
   Daldalaan magaalaa~
   Marti ilmaan ormaa~
   Hojjatan mootummaa~
   Yaroon teenya ammaa~
   Ilmaan cunqurfamaa~
   Nu dinne gabrummaa~
   Bu’ura tokkummaa~
   Jenne bilisummaa~
   Akka warra kaabaa~
   Tuniizin jalqabaa~
   Egyptiin qarqabaa~
   Oromiyaa goolabaa~
   Mootummaa azaabaa~
   Mallas abbaa irree~
   Fakkaataa adurree~
   Nyaatee nu qoqoree!
   Dhagaa itti harree~
   Billawaan diddirree~
   Ibiddaan weerarree~
   Firraa bufnee morree~
   Sirna abbaa gadaa~
   Demokraasii hundaa~
   Ilma xiqqaa-guddaa~
   Kan galmi isaa Odaa~
   Oromiyaa leelloo~
   Loosha mudhii qalloo~
   Bahaa hamma walloo~
   Yaa lammii koo maaloo~
   Mee ka’aa haa jarruu~
   Alagaa hingabbarruu~
   Onne Taddee Birruu~
   Qabadhaa oromoo~
   Tan akka Elemoo~
   Dantaa sabaa dursee~
   Jireenya saa dhiisee~
   Maatii saa facaasee!
   Oromoo gurmeessee~
   Dhiiga dhangalaasee~
   Nyaapha rifachiisee~
   Dandii nu tarsaasee~
   Dhamsa nu lakkisee~
   Gooti oromiyaa~
   Ka’aa ilmaan ayyaa~
   Oromummaan faayaa~
   Gabrummaan nu geyaa~

   Waaqi nu waliin haa tahu!
   Injifaanoon nu haa gehu!
   Cunqursaa jalaa nu haa baasu!
   Oromoo haa baraarsu!
   Fayyaa haa taasisu!
   Addunyatti haa mullisu!
   Haqa keenya malee!
   Kan ambaa hinkajeellee!
   Nyaaphi nu affeelee!
   Yaa Rabbi nu tahi golee!
   Diina keenya cabsi mogolee~
   Nurraa kaasi gabrummaa~
   Nu kenni bilisummaa~
   Nu goonfachiisi abbaa biyyummaa!
   Aamiin!!!

   Injifannoon kan ummata Oromoo ti!!!
   Gadaan –Gadaa bilisummaa ti!!!

   Reply ↓