Yunvarsiitii Mattuutti Yakka Ajjeecha Gara Jabeenyaa  Barataa Sabboonaa Oromoo Tarreessaa Safaraa Irratti Rawwatamee fi Ukkamsaanii Gara Dhabsiisuu Hayyoo Oromoo  Abbaa Liibaan Dabbasaa Guyyoo Irratti  Rawwateef Mootummaan Wayyaanee EPRDF/TPLF Itti Gaafatamu Qaba.

Ibsa Qeerroon Bilisummaa Oromoo

Mootummaan Wayyaanee EPRDF/TPLFn yakka ilmaan Oromoo qoroo hawaasaa ta’an irratti fudhatuu jabeessee itti fufuun, Onkolooleessa 23,2015 Sabboonaa barataa Oromoo balleessaa tokko malee barataa Oromoo Tarreessaa Safaraa barataa Injineriigii Waggaa 1ffaa kan ta’ee fi  Hayyuu Oromoo Abbaa Liibaan Dabbasaa Guyyoo biyya Keeniyaa kan jiraachaa turan torbee darbee keessa shirri Wayyaanee kan keessatti muldhatu humnoota hin beekamneen ukkamfamuun eessa buuteen  isaanii  dhabamuutti gadda guddaatu nutti dhagaa’ame jira. Barataan Oromoo Tarreessaa Safaraa asiin dura Oromummaa isaan  Yakkamee Waggaa 9 oliif  mana hidhaa biyyatti keessatti argaman Maa’ikalawwii,fi  qaallittii  dararamaa kan ture badii tokko malee humnoota tikaa wayyaaneen ukkamfamuun fannifamee kan ajjeefameef mootummaan Wayyaanee itti gaafatamuu qaba!!

Abbaan Liibaan Dabbasaa Guyyoo hayyuu Oromoo aadaa,Sirna Gadaa, Afaanii fi eenyummaa Oromummaa  uummata isaanii barsiisaa turanii fi Addunyaa biyya lafaa kana irratti Gadaan Oromoo hundee bu’uura dimookiraasii addunyaa kanaa ta’uun akka beekamuuf biyyoota addunyaa hedduu irra naanna’uun kan barsiisaa turanii fi aaddunyaatti bulchiinsa dimookiraasii sirna gadaa kan argisiisaa turan yakka tokko malee eessa buuteen isaanii dhabamee jiruuf mootummaan Wayyaanee itti gaafatamuu qaba. Ibsa Qeerroo Bilisummaa Oromoo Sadaasa 4,2015