2 thoughts on “Nutu Sanyii Qeerraansaa/ Wallee Haaraa Hawwisoo Qeerroo Bilisummaa”

1. Diina diina caalu!!!

   Akkam nagaa jirtuu,gootowwan goototaa,
   Sanyiin dhaalaa biyyaa;ilmaan Oromootaa,
   Baga nagaa taatan,nageenyi furmaataa,
   Anis nagaan qaba,yoo ta’es baqataa,
   Galanni haa gahu,Rabbii hunda horataa!!!

   Yaa lammii qomoo koo,mee haa wal ilaalluu,
   Kaayyoo qabsaa’ota hundinuu haa dhaalluu,
   Galmee qabsoo keenyaa,banannee haa laalluu,
   Bakka jirtan maraa,haa qabsaayuu yaalluu,
   Tokkummaan ol kaanee,diina haa sakaalluu!!!

   Gabrummaa diddatu,mana koo na baasee,
   Namni akka kootii,maaliif natti huursee,
   Haqa koo,ukkaamsa,hinjirree odeessee,
   Ni mormadha yoomuu,murtii hattuun baasee,
   Walitti nu buusu,wal nu irraanfachiisee,
   Lubbuu koorraa bahuu,ani duraa murteessee,
   Rabbitu na eegee,hamtuu narraa jaamsee,
   Dandeettii koo mitii,Rabbitu na jabeessee,
   Hanga har’aan tanaa nagaan na tursiisee,
   Kanaafuu,ani gantuuf,hin gabroomu ciisee!!!

   Kijibee jiraachuun naaf hin danda’amuu,
   Otoo soora arguu,bira taa’ee hin soomuu,
   Osoo lubbuun jiruu,maafan kan saamamuu,
   Dhuga dubbachuu dhaan,yoo ta’es jibbamuu,
   Ani lubbuu hin qusadhu,du’ees awwaalamuu,
   Hubadhu gabroomsaa,ani siif hin gabroomuu!!!

   Warra qabsoo teenya,alagaaf sakaalu,
   Warra Oromiyaa diinaaf muruu yaalu,
   Warra saba gatee,diinaaf mala malu,
   Warra qabsoo teenya,diinummatti faalu,
   Warra yoomu labsu;dhaamsa diinaaf tolu,
   Warra Oromoo gurguree,diinaaf tola oolu
   Akka Leencoo Lataa,sabni hin wallaalu!!!!

   Mee maal jettan dhiiroo,waa’ee Leencoo Lataa,
   Diinatti kan gurgure,hiree qabsoo gootaa,
   Namni hawwii qabsoo,Oromoo waakkataa,
   Namni kaayyoo sabaa,alagaadhaaf laataa,
   Akkamitti Oromoof,hawwii sabaa baataa,
   Kutaa fi amantiin saba addaan fooyataa,
   Akkamitti Oromoo,fuulduraa dhaabbataa,
   Oromoo,isaan jechuun daran nutti ulfaataa!!!

   Namoonni akka Leencoo,heddutu mul’ataa,
   Warra Oromoof jechaa,Oromootaa nyaataa,
   Diina diina caalu,warra fira fakkaataa,
   Akka Abbaa Duulaa,kijibaaf wawwaataa,
   Akka Dhaabaa Dabalee,miseensa hattootaa,
   Akka Juneeddi Saaddoo,kan har’a dhokataa,
   Warra albee lamaan,bitaa fi mirgaa nyaataa,
   Jarreen kanneen diinni,roorroof nutti ergataa,
   Keessaayyuu,kan Leencoo gurra namaa kutaa,
   Gantoota akkanaatiif,furmaanni maal laataa????

   Yaa saba jabaadhuu,qabsoo keetti cimii,
   Diina hin caqasinii;jabeessii gungumii,
   Wallaalaa kee gorsii,daandii itti himii,
   Beekaa kee caqasii,tokkummaadhaan cimii,
   Walitti birmadhuu,waa hin nyaatin hirmii,
   Mirga fi biyya keef,garayyuu gamtoomii,
   Bilisummaa argachuuf,itti wareegamii!!!!!

   Warra saba gatee,bitaa fi mirgaa fiigu,
   Warra amantaa dhaan adda nu diddiigu,
   Bakkuma jiru maratti ofumarraa eeguu,
   Itti fufna qabsoo,jaraa hin taanu muguu,
   Diina,diina caalu,ka’aa ofirraa dhoorguu,
   Itti haa fuftu qabsoon hanga of wareeguu
   Waayee keenya kana rabbumti haa arguu!!!

   Yaa saba koo guddaa bakkayyuu jabaadhuu,
   Hulaa gantoowwanii ukkaamsii qabadhuu,
   Oduun biyya jiraa QEERROO kee gaafadhuu,
   Lafeen diinaa,diina ta’uushee hubadhuu,
   Kaayyoo ADWUI fi DhDUO mormadhuu,
   Tumsaa Itoophiyaa ADO san waakkadhuu,
   Qabsaayaa kee dhugaa ABO jabeeffadhuu,
   Bakka jirtu maraa,moggaa isaa dhaabadhuu,
   Tamsaasa Itoophiyaa,gurra irraa cufadhuu,
   Tamsaasota Oromoon qabdu dhageeffadhuu!!!

   Qabsaayaa fi qabsooftuu tantee jabeeffadhuu,
   Tooftaa gootni dabre,hojjatan hojjadhuu,
   Gaachanaa fi Eeboo kan kee qopheeffadhuu,
   Yoo humni siif geette Qawweellee bitadhuu,
   Biyyaa bahuu dhiisii,diinaa kee mormadhuu,
   Wal baqachuu dhiisii,ofii wal yaadadhuu,
   Aadaa kee deebisii,wal moggaa dhaabadhuu,
   Diina kee wareerii,biyyaa keef falmadhuu,
   Mootummaa Wayyaanee,ofirraa darbadhuu!!

   Jabaadhu,saba koo,aduun bahuu hin ooltuu,
   Ni qal’atti malee,dhugaan yoomuu hin cittuu,
   Na baruu barbaadnaan,Sanyii Waaqoo Guutuu,
   Abdii Baalee Oromiyaa jechuudhaan argattuu!!!!

   Yaa Rabbii,yaa gooftaa tokko nu taasisii,
   Bakka cabne kanaa,atumti ol nu kaasii,
   Daandii haqaa irratti mee nu hojjachiisii,
   BILISUMMAA teenya ijaan nu garsiisii!!!

   Injifannoon kan Ummataa bal’aatii,
   Gadaan,Gadaa Bilisummaa Oromootii!!!!

   Abdii Baalee Oromiyaa ( Sanyii Waaqoo Guutuu)
   Gurraandhala 13,2015

   Reply ↓

2. Bineensi Bineensumaa!!!!!

   Akkam yaa saba koo,nagaa naaf jirtuu,
   Bakkuma jirtanii,keessaa fi kan alattuu,
   Anilleen nagaa,Rabbii yaa galatuu!!!!

   Ani niin yaaddawa jireenya koo guutuu,
   Waa’ee lammiiwwan koo baqataa jiraatuu,
   Isaan biyyaa bahuuf,galaanni isaan nyaatuu,
   Maaf dheefa Gabroomsaa,biyyarraa baqattuu,
   Ana hedduu na dhibee,isin hoo maal jettuu!!!!!!

   Bineensi ganamaa,kunoo nutti yuusaa,
   Ilmaan Oromtichaa gargar nu facaasaa,
   Kutaa fi amantiin walitti nu buusaa,
   Jaldeeyyii garaadhaa nurratti bobbaasa,
   Misooma jedheetiin olola nutti faarsaa,
   Ilmaan abbaa biyyaa,biyyaa godaansisaa,
   Mallattoo abbaa irrummaa nutti agarsiisaa,

   Galmaan gahuuf ka’e dhaamsa isa boollaa,
   Kanaaf,nutti gad yaase,tuuta garaa callaa,
   Warra itti hin yaadne,boru maaliin bullaa,
   Akka Abdul Aziiz fi kan akka abbaa Duulaa,
   Kan akka Muktaar Kadiir,dabeessa ololaa,
   Jaldeeyyii akkasiittu diinaaf bane hulaa,
   Keessaa fixee jennaan,alattis nuun lolaa,
   Har’a hoo maal eegna,qaataa walitti laallaa,
   Kanaaf,yaa Oromoo,amma maaltu malaa???

   Bineenshi Habashaa,sanyiin warra kaabaa,
   Maal barbaade laata,maaf kabajaa dhabaa,
   Salphina barbaadee,maaf quba nutti qabaa,
   Waraaboon nutti yuusaa,akka waan ajabaa,
   Finfinne Master Plan jedhee maaf lallabaa,
   Roorroon jajjaabattee,maal jettan yaa sabaa????

   Dubbiin nu tuffii tun,mee maaliif deebitee,
   Jarri dhugaa qabuu,nutuu wal dagatee,
   Adeemsi gargariin diinotaaf wal laatee,
   Keessaa fi alaanis roorroon nutti kaatee,
   Ka’uumsaa fi ga’uumsaan balballi banamtee,
   Nutti addaan faca’uun qabsoo jaraaf taatee,
   Irree nutti mul’isee qawwee abdii godhatee,
   Waan fedhe nuun jedhaa,diinni nu tuffatee,
   Bineensi bineensuma,yoomiin siif rifatee!!!!!!

   Silaas,akkam goonaa,garaan nu gubatee,
   Roorroon alagaadhaa,biyyarraa nu footee,
   Abjuudhaan jiraanna,barri laakkawatee,
   Roorroon gabroomfataa,daran jajjabaattee,
   Dubbadhu yaa Sabaa,sillee carraan geettee,
   Numa Bilisoomta,yoo gamtaan qabsooftee,
   Diinnan kee qolattee,balaa jaratti buuftee,
   Abbaa biyyaa ta’uuf,faajjii kee ol kaaftee,
   Oromiyaa keessaa,Wayyaanee gad yaaftee,
   Bilisoomuu hin ooltu,abbaa biyyaa taatee!!!!!

   Dubbiin Abbaay Tsahaay;garaa nama gubaa,
   Yoo waan san dubbatu,mataa nagaa qabaa,
   Kaayyoo Jaldeettii dhaa,Jaldeessis lallabaa,
   Osoo nama qabaanne,achitti fayyaa dhabaa,
   Deebiin gumaa keenyaa,isarraa jalqabaa!!!!

   Nuti nama dhabnaan,nutti naqan gubaa,
   Gaafana eessa dhaqee,warri ganda labaa,
   Warri misooma jedheetiin,oofu oduu sobaa,
   Dhaabni aangoo hin qabne,akkamitti dhaabaa,
   Hooggansi abbaa biraan,muru murtii dabaa,
   Maqaa hooggansaatiin,maaf nyaata waan Sabaa,
   Bineensi Bineensumaa,adda baatee qabaa???????

   Haqa haa dubbannuu,maaliif irra dibnaa,
   Waan dhaaba DhDUO lafaa hin kaasinaa,
   Keenya jechuu dhibaa,kan akeekni diinaa,
   Warra qabsaayaa fuudhee,alagatti kennaa,
   Warra handhuura biyyaa,diinaaf kennu sana,
   Maaf maqaa Oromoo isaan irra keennaa,
   Haa nurraa ka’anii,jarruu diina keennaa,
   Diinni Oromoo guddaan,DhDUO’maan sanaa,
   Bineensi bineensuma,maaliin adda baafnaa???

   Amma wanti goonu,furmaatni siyaasaa,
   Bakka jirtan maraa,sabni wal jabeessaa,
   Filannoo sossobaa,obsumaan dabarsaa,
   Sana booda hunduu,hidhannoo ol kaasaa,
   Bakka jirtan maraa,qabsoo teenya cimsaa,
   Wal irratti dhumnaa,fincila jabeessaa,
   Sanyii Habashootaa,bakkayyuu dhamaasaa,
   Oromiyaa bal’oo keessaa gad yaasaa!!!!!!!!!

   Abbaa aangoo guddaa,nuuf kenni Tokkummaa,
   Yaa rabbii nu dhaqqabsiisi,hiree Bilisummaa,
   Wanti addunyaa kanaa,simaan hoogganamaa,
   Situ harkaa qabaa,hooggansa hanga dhumaa,
   Bilisa nu baasii,aangoo kan keetumaa!!!!!!!!!!!!!!

   Abdii Baalee Oromiyaa-ABO (Sanyii Waaqoo Guutuu)
   Gurraandhala 16;2015

   Reply ↓