Qeerroo Oromiyaa
lammii biyya kiyyaa
hin qabdu hiriyaa
maaliif baata biyyaa

Gabrummaan hammaatee
hireen hidhaa taatee
waliin falmuun haftee
sanyiin sanyii nyaatee
hunduu wal hamata
qomoon wal himata
diina waliif ta’ee boolla walii qota

Mee haqa sodaadhu
ka’iitii falmaadhu
mirga kef gaafadhu
dhugadhaf jiraadhu

Maaliif of dagatnaa
gabromnee jiratnaa
alagaan reebamnaa
umrii hidhamnaa
du’aan adabamnaa
badiin himatamnaa

Koottaa mee walgeenyaa
odaa jala teenyaa
kaayyoo keenya beekna
bilisoomuu feena
dhugaa keenyaaf boonya
ergaa dabarsina
addunyaatti iyyina
kaayyoo boorantummaa
kan sanyii tuulamaa
warra baarentummaa
dhugaa jirtu himaa
dhaamsi keenya dhumaa
gumaacha umamaa
kalaqa ganamaa
madda walabumaa
abjuu saboontotaa
dirqama dhalootaa
abdii bilisummaa
Oromoota mee ati akkam gootaa?

Sanyii Falmataa Dirre Dawaa irraa