Gabaasa Qeerroo Finfinnee, Fulbaana 10,2011
Sochii diddaa gabrummaa dargaggooti Oromoo (Qeerroon) itti fufuun qaama hawaasa Oromoo hunda hammatanii sochiin farra Wayyaanee Oromiyaa goleelee hunda keessatti gaggeessaa jiraachuun beekamaa dha, naannoolee sochiin bifa addaan deemutti human waraanaa erguu fi daandii telefoonaa kutuun akka quunamtii fi gabaasaan hin jiraanne gochaa kan jiru mootummaan Wayyaanee yeroo ammaa kanas waan qabee waan gdhiisu dhabuun ummata hidhuu keellalee godinoota Oromiyaa keessa jiran mara Fulbaana 7,2011 irraa eegalee cufuun konkolaataa fi ummata nagaa sakatta’uu eegalee jira.
Kanuma waliin ummata nagaa jiraattota Oromiyaa fincila diddaa gabrummaa deemsisaa jirtu,dargaggoota nurratti qindeessitan jechuun gidduu galeessa Oromiyaa aanaa Xiqur Inccinnii irraa sabboontota maqaan isaanii:-
- Abarraa Dame
- Gaachana Ararsaa,
- Jiraa Ajjamaa,
- Darajjee Amanaa,
- Motummaa Fayyeraa
- Baqqalaa Uurgeessa,
- Kabbadaa Daadhii,
- Habtaauu nama jedhamu
- Abdii Soorii,
- Sonsa Abarraa
- Alamaayyoo Tolaasaa, ona Elfaataa
- Abarraa Tasfaayee , onaa Elfaataa
- Haaptamuu Kaabbadaa, ona Elfaataa
- Buruk Shifaraa , ona Elfaataa
- Barataa Biraanuu , ona Ginda barat
- Barataa Asmaraa Tolasaa, Ona Gindabarat
- Barataa Amanu Fufaa, Ona Gindabarat
Kanneen jedhamanii fi kanneen biro baatii Hagayya dhuma irraa hanga Fulbaana 08,2011 qabamanii bakka jiran hin beekamu. Maatiin sabboontota kanaas bakka isaan jiran dhabuu irraan yaaddoo cimaan qabamanii akka jiran Qeerroon magaalaa Finfinnee irraa gabaasa.
Qabsoon itti fufa! Gabroomsaan ni kufa!
QEERROO 